АБНА24 Хәбәр Верир, Һәзрәт Ајәтуллаһулузма Хаменеи дүшмәнин санксијаларда мәгсәдинин гыса, орта вә узунмүддәтли, һәмчинин кәнар мәгсәдли адландырыб вә белә дејибләр: Гыса мүддәтдә мәгсәд, Иран халгыны тәнҝә ҝәтирмәкдир. Орта мүддәтдә һәдәф, Иранын елми инкишафынын гаршысыны алмаг, узунмүддәтдә мәгсәд исә дөвләти вә өлкәни ифласа уғратмаг вә Иран игтисадијјатыны дағытмагдыр. О һәзрәт сонра белә гејд едибләр: Онларын кәнар мәгсәдләри, Иранын реҝиондакы мүгавимәт ҹәрәјанлары илә әлагәсини кәсмәкдир. Буну хәбис дүшмән санксијалар тәтбиг етмәклә һәјата кечирмәк истәјирди, лакин олмады вә олмајаҹагдыр да. Буну өзләри дә етираф едибләр. Ислам Ингилабынын Бөјүк Рәһбәри санксијанын проблемләр јаратдығыны вә буна шүбһәнин олмадығыны билдирәрәк, сөјләјибләр: Өлкәнин бүтүн проблемләри санксија илә бағлы дејил. Онларын мүәјјән һиссәси мүдиријјәт зәифлијиндән ирәли ҝәлир вә бир гисми дә коронавирусла әлагәдардыр. Американын һәгигәтләри тәһриф етмәк вә ҝерчәкликләри тәрсинә ҝөстәрмәјә чалышдығыны билдирән Һәзрәт Ајәтуллаһулузма Хаменеи дејибләр: Тәһрифдә мәгсәд, ики мәсәләдир; бири, халгын әһвал-руһијјәсинә зәрбә вурмаг, диҝәри исә проблемин арадан галдырылмасы үчүн јанлыш үнван вермәк. О һәзрәт белә гејд едибләр: Американын бу ҝүн Ирандан истәји, нүвә сәнајесинин там шәкилдә кәнара гојулмасы, мүдафиә ҝүҹүнүн сон дәрәҹә азалдылмасы вә реҝионал гүдрәти бошламагдыр, амма бу истәкләрин гәбул олунмасы мүтләг шәкилдә Американын ҝеријә чәкилмәсинә сәбәб олмајаҹагдыр вә һеч бир ағыл да тәҹавүзкары дајандырмаг үчүн онун истәкләрини јеринә јетирмәјимизи һөкм етмир. Һәзрәт Ајәтуллаһулузма Хаменеи әсас дүшмәнин, јәни Американын проблемләрини Иранын проблемләрилә мүгајисәолунмаз вә олдугҹа бөјүк поблемләр адландырыб. О һәзрәт Американын/ бу өлкә полиси тәрәфиндән рәһмсизлик, гәтл вә ишҝәнҹә илә нәтиҹәләнән зәиф иҹтимаи идарәчилик, коронавирус мәсәләсиндә мүдиријјәт проблемләри, ҝениш мигјасда ишсизликләр, игтисади проблемләр, ирги ајры-сечкилик, халг тәбәгәләри арасындакы бөјүк фәрг кими буҝүнкү проблемләрини садалајараг, билдирибләр ки, бу ҝүн Америка дүнја сәвијјәсиндә мәнфур вә тәҹридолунмуш вәзијјәтдәдир. О һәзрәт вурғулајыблар: Америкадакы ҹари һадисәләр күл алтында ҝизләнмиш бир оддур ки, аловланыб вә ону јатыртсалар да јенидән аловланаҹаг вә Американын һазыркы һөкумәт гурулушуну арадан ҝөтүрәҹәк, зира бу гурулушун сијаси вә игтисади фәлсәфәси јанлыш олараг, мәһволмаја мәһкумдур. Һәзрәт Ајәтуллаһулузма Хаменеи өз бәјанатларынын диҝәр бир һиссәсиндә белә сөјләјибләр: 1397-ҹи ҝүнәш илиндә вә Американын нүвә анлашмасындан чыхмасындан сонра тәәссүфлә, өлкә ајларла авропалыларын өз вәдләринә әмәл етмәләрини ҝөзләди. О һәзрәт сонра дејибләр: Авропалылар Американын санксијалары илә мүбаризә үчүн һеч бир иш ҝөрмәдиләр вә ИНСТЕКС адында ирәли сүрдүкләри мәсәлә дә һәјата кечмәјән бир ојун иди. Ислам Ингилабынын Бөјүк Рәһбәри өз чыхышларынын бу һиссәсини јекунлашдырараг, вурғулајыблар: Санксијаларын әлаҹы, ҹидди-ҹәһд тәләб едән дахили имканларын фәаллашдырылмасыдыр.
342/
