АБНА24 Хәбәр Верир, "Бөјүк Пејғәмбәр (с.ә.с) 14" һәрби тәлимләринин јекун етапынын икинҹи ҝүнүндә Сепаһ-ын һава-космос гүввәләри мүасир тактикалар вә техникалардан истифадә едәрәк, бу гүввәләрин шәрти дүшмән гаршысында ҝениш габилијјәтләрини нүмајиш етдирибләр. "Бөјүк Пејғәмбәр (с.ә.с) 14" һәрби тәлимләринин бу мәрһәсиндә Сепаһ-ын һава-космос гүввәләринин ваҹиб наилијјәти јерин дәринлијиндән тамамилә камуфлјаж едилмиш баллистик ракетләрин уғурла бурахылмасы иди. Бу әһәмијјәтли наилијјәт дүшмәнин кәшфијјат тәшкилатларыны потенсиал гаршыдурма заманы ҹидди проблемләрлә үзләшдирә биләр. Дүшмәнин мөвгеләринә гаршы ракет, ҝәми вә ПУА һүҹумулары әмәлијјаты, һүҹум характерли минатөкмә вә шәрти дүшмән ҝәмиләринин әлагә јолларыны кәсмәк, вертолјотлар васитәсилә ракет-дөјүш әмәлијјаты вә саһил-дәниз ракетләринин атылмасы Сепаһ-ын "Бөјүк Пејғәмбәр (с.ә.с) 14" һәрби тәлимләринин јекун етапынын икинҹи ҝүнүндә һәјата кечирилиб. Ијунун 28-дән башлајан бу тәлимләрдә илк дәфә олараг, тәлим бөлҝәси "Нур" пејкиндән ҝөндәрилән фотоларла изләнилир. "Нур" сүни пејки Иран Ислам Республикасынын илк һәрби пејки олараг, ҹари илин 22 апрел тарихиндә үч етаплы "Гасид" дашыјыҹысы васитәсилә Иранын мәркәзи сәһрасындан Сепаһ тәрәфиндән фәзаја бурахылараг, јер сәтһиндән 425 километрлик мәсафәдә јерләшиб.
342/
