АБНА24 Хәбәр Верир, Азәрбаjҹан Республикасынын Мүдафиә Назирлиjи бу ҝүн сәһәр бир мәлуматда билдириб ки, Ермәнистан ордусу Товуз сәрһәд раjонуна һүҹумла атәшкәси позуб. Нәтиҹәдә 2 азәри һәрбчи өлүб, беш нәфәр дә jараланыбдыр. Мәлуматда сонра деjилир: Ермәнистанын һәрби гүввәләри артиллериjа атәшинин һимаjәси алтында Азәрбаjҹан Республикасынын гүввәләринә һүҹум едибләр. Азәрбаjҹан Республикасы Мүдафиә Назирлиjинин билдирдиjинә ҝөрә, Ермәнистанын һәрби гүввәләри дә бу дөjүшләрдә тәләфат верибләр. Азәрбаjҹан Республикасынын Мүдафиә Назирлиjи һәмчинин билдириб ки, ики өлкә гүввәләри арасында Товуз раjонунда ҝедән дөjүшләр дүнән ҝеҹә jарысынадәк дә давам едиб. Ҝеҹә дөjүшләриндә Азәрбаjҹан Республикасы ордусунун ағыр техникасы, о ҹүмләдән артиллериjасынын һәссас һәрби нөгтәләрдән биринә гаршы дәгиг атәшләри нәтиҹәсиндә Ермәнистанын гүввәләри, һәрби аваданлыглары вә ағыр техникасы һәдәфә алыныб, амма ермәни гүввәләр өзләринин индиjәдәк олан тәләфатларынын мигдары барәдә хәбәр jаjмаjыблар. Азәрбаjҹан Республикасынын Мүдафиә Назирлиjи өз саjтында бу хәбәрлә jанашы, Ермәнистанын мүһүм бир һәрби мәркәзинин мәһв едилмәси һагда тәсвирләр jаjыбдыр. Диҝәр тәрәфдән, Бакы әһалисинин мүхтәлиф тәбәгәләри бир аксиjада иштирак едәрәк, Ермәнистан һәрби гүввәләринин ики өлкә арасындакы атәшкәси позмаларына, һәмчинин азәри һәрбчиләри өлдүрүб, jараламаларына етираз едибләр. Азәрбаjҹан Республикасы вә Ермәнистан 1988-ҹи илдән бәри Гарабағ бөлҝәси үстүндә мүнагишәдәдирләр. Бу мүнагишә нәтиҹәсиндә Гарабағ бөлҝәси вә онун әтрафындакы jедди раjон Ермәнистан һәрби гүввәләринин нәзарәтинә кечибдир. Иран Ислам Республикасынын Азәрбаjҹан Республикасындакы сәфири Ҹавад Ҹаһанҝирзадә Пресс-Клуб саjты илә мүсаһибәдә Гарабағ мүнагишәсинин динҹ һәлл jоллары барәдә белә деjиб: Гарабағ бөһраны узун вә тәһлүкәли бир бөһрана чеврилиб вә бу мүнагишәjә сон гоjмаг үзрә һәр ҹүр һәлл jолу Иран вә Русиjа да дахил олмагла реҝион өлкәләринин тәшәббүсү илә динҹ, Азәрбаjҹан Республикасынын әрази бүтөвлүjүнүн горунмасы вә бу барәдәки БМТ гәтнамәләринә әсасланан һәлл jолу олмалыдыр.
342/
