АБНА24 Хәбәр Верир, Иран Али Милли Тәһлүкәсизлик Шурасы катиблиjинин сөзчүсү Кеjван Хосрәви деjиб: Әлагәдар органлар тәрәфиндән апарылан техники-тәһлүкәсизлик арашдырмалар ҹүмә ахшамы ҝүнү сәһәр Нәтәнздә Шәһид Әһмәди Рошән адына нүвә комплексиндә баш вермиш һадисәнин әсас сәбәбини дәгиг шәкилдә мүәjjән едибдир. О, бу һадисәнин баш вердиjи илк саатлардан һәjата кечирилән Нәтәнз саjтындакы һадисәнин нәзәрдән кечирилмәси вә дәjәрләндирилмәси үзрә мүхтәлиф мәсул бөлмәләрин експертләринин иштираклары вә фәалиjjәтләринә тохунуб вә белә геjд едиб: Бу олаjын сәбәби һагдакы мүхтәлиф фәрзиjjәләр jаранмыш дағынтынын мигдары, тәрзи вә тәсирләринин дәгиг шәкилдә өjрәнилмәси илә нәзәрдән кечирилиб вә һадисәнин әсас сәбәби мүәjjән едилибдир. Хосрәви сонра сөjләjиб: Бәзи тәһлүкәсизлик мүлаһизәләринә ҝөрә, бу һадисәнин сәбәби вә баш вермәси тәрзи мүнасиб заманда елан олунаҹаг. Иран Али Милли Тәһлүкәсизлик Шурасы катиблиjинин сөзчүсү сонда Нәтәнз нүвә комплексиндә инша едилмәкдә олан үстүөртүлү гурғуjа дәjән хәсарәтин мәһдуд олдуғуну вурғулаjыб. Билдириб ки, һадисә jериндә һеч бир нүвә маддәси мөвҹуд олмаjыб вә бу олаjын баш вермәси заманы радиоактив маддәләрин сызмасы мәсәләси әсла мөвҹуд деjилдир.
342/
