АБНА24 Хәбәр Верир, бу барәдә Авропа Комиссиjасынын нүмаjәндәси Абалберт Јанс бу ҝүн Брүсселдә кечирдиjи брифингдә деjиб. Бунунла jанашы, һәлл jолларынын әлдә едилә билмәдиjи вәзиjjәти дә истисна етмәjиб. “АИ Шурасына үзв өлкәләр арасында мүзакирәләр һәлә дә давам едир. Бу мүзакирәнин нәтиҹәсини сәбирсизликлә ҝөзләjирик, амма индики мәрһәләдә данышаҹағымыз башга бир шеj jохдур. Мүзакирәләр jекунлашмаjана гәдәр бу мөвзуда фәрзиjjәләр ирәли сүрмәк истәмирәм”, - о деjиб. А.Јанс вурғулаjыб ки, сиjаһынын разылашдырыла билинмәдиjи тәгдирдә, АИ Шурасы бундан сонра нә едиләҹәjини даир гәрар вермәли олаҹаг. Илкин мәлумата ҝөрә, һәфтәсону мүзакирәләр заманы бу сиjаһыдакы өлкәләрин саjы 18-дән 15-ә дүшүб. Һазырда сиjаһынын jекун версиjасында Канада, Австралиjа, Јени Зеландиjа, Чин, Јапониjа, Ҹәнуби Кореjа, Таиланд, Әлҹәзаир, Тунис, Мәракеш, Руанда, Сербиjа, Монтенегро, Ҝүрҹүстан вә Уругваj jер алыб. АИ Шурасында әсасән сәрһәдләрин ачылмасы үчүн бүтүн санитар стандартлара ҹаваб верән, лакин өзү АИ илә сәрһәдләри ачмаға һәлә һазыр олмаjан Чин әтрафында кәскин мүбаһисәләр давам едир.
342/
