Абна24 хәбәр верир, Путин деjиб: "Һиперсәс силаһына гаршы мүдафиә васитәси биздә о заман пеjда олаҹаг ки, дүнjанын апарыҹы өлкәләри һәмин силаһын өзүнү jарада биләҹәкләр”. О әлавә едиб: "Бу ҹүр силаһ һазыр оланда, чох бөjүк еһтималла, бизим артыг она гаршы мүбаризә апармаг үчүн башга бир васитәмиз олаҹаг. Һазырда исә һеч ким һиперсәс ракетләрини вура билмир. Бизим һазыркы дурумумузун уникаллығы да елә бундадыр. Геjд едәк ки, Русиjа президенти өтән ил декабрын 24-дә Мүдафиә Назирлиjинин коллеҝиjа иҹласында өлкәсинин jени силаһ системләри үзрә дүнjада лидерлиjи әлә алдығыны ачыгламышды. Кремл рәһбәрлиjинин билдирдиjинә ҝөрә, Русиjа дүнjада һиперсәс сүрәтли силаһлара малик олан jеҝанә өлкәдир. Рус рәсмиләринин дедиjинә ҝөрә, соjуг мүһарибә дөврүндә Совет Иттифагы АБШ-дан атом бомбаларында, һабелә стратежи бомбардманчыларын вә гитәләрарасы баллистик ракетләрдә ҝеридә галыр. Лакин бу ҝүн НАТО стратежи силаһларын инкишафында Русиjадан ҝеридә галмышлар. Һиперсәс сүрәтли силаһлары буна мисал ҝөстәрмәк олар. Һазырда Русиjанын артыг илк гошун һиссәси гитәләрарасы “Авангард” һиперсәс ракетләри илә тәҹһиз олунуб вә бу ракетләр дөjүш нөвбәсиндәдир. Һабелә “Кинжал” һиперсәс сүрәтли ракети дә артыг силаһанмада jер алыр. “Тһе Wасһинҝтон Пост” гәзети Русиjа президентинин бу чыхышы илә бағлы jазыр ки, Пентагон вә АБШ силаһлы гүввәләри сон илләрдә һиперсәс сүрәтли ракетләрин үзәриндә ишләjир. Өтән илин август аjында мүдафиә назири Марк Еспер белә силаһларын “чох ҝүман ки, ики ил сонра” силаһланмаjа дахил олаҹағыны ачыглаjыб. О, бөjүк мәсафәләрә уча билән jени зәрбә васитәләри үзәриндә иши һәрбчиләр үчүн приоритет адландырыб. Гәзет jазыр ки, АБШ Мүдафиә Назирлиjи дәфәләрлә Конгреси Русиjа вә Чинин һиперсәс сүрәтли силаһлар ишләjиб һазырладығы һагда хәбәрдар едиб. Буна ҹаваб олараг АБШ рәсмиләри космосда мүшаһидә васитәләринин jерләшдирилмәси вә дүшмәнин ракетләринин даһа еркән ашкарланмасы имканлары барәдә данышыглар апарыр. АБШ-да һазырда бунун үзәриндә иш ҝедир ки, дүшмәнин һиперсәс сүрәтли ракетини учушун илк дәгигәләриндә, һәлә сүрәтjығма мүһәррикинин ишләдиjи вахтда мәһв етмәк мүмкүн олсун. Үмумиликдә Русиjанын jени силаһ програмында НАТО-нун Русиjанын гәрб сәрһәдләриндә гошун jерләшдирмәси вә АБШ-ын орта вә jахын мәнзилли ракетләрә даир 1987-ҹи ил мүгавиләсиндән чыхмасы тәсирсиз олмамышдыр.
342/
