Абна24 хәбәр верир, Рза Әрдәканиjан чәршәнбә ҝүнү Бағада олмуш сәфәринин наилиjjәтләрини шәрһ едәркән деjиб: Ирандан Ирага електрик ихраҹаты һагдакы бүтүн мүгавиләләр бундан өнҹәjәдәк бириллик олуб, амма бу сәфәрдә jекун мүзакирәләр апарылыб вә Ирагын енерҝетика назирлиjи илә 2020 вә 2021-ҹи илләр үчүн Ирандан Ирага електрик ихраҹаты һагда 2 иллик мүгавилә имзаланыб. Әрдәканиjан һәмчинин белә геjд едиб: Иранын Ирагдакы нүмаjәндәлиjинин фәалиjjәтләри нәтиҹәсиндә бу сәфәрдә тәгрибән 400 милjон доллар, jәни Иранын електрик тәләбләринин jарысы Ираг тәрәфиндән банк һесабына көчүрүлүб. Иранын енерҝетика назири дүнән Теһран-Бағдад әлагәләринин мөһкәмләндирилмәси вә енержи саһәсиндәки әмәкдашлыгларын ҝенишләндирилмәси мәгсәдилә Ирага сәфәр етди. Әрдәканиjан бу сәфәрдә өз ираглы һәмкары Маҹид Меһди Һәнтушла ҝөрүшдән әлавә, бу өлкәнин jүксәк вәзифәли рәсмиләри, о ҹүмләдән Ирагын президенти, баш назири, малиjjә назири, һәмчинин Ирагын мәркәзи банкы вә тиҹарәт банкынын мүдирләри илә ҝөрүшүбдүр. Әрдәканиjанын билдирдиjинә ҝөрә, һәмин ҝөрүшләрдә һәм кечмиш разылашмалар, һәм дә Ирагын електрик сәнаjесинин бәрпасы үчүн Иранын өзәл сектору тәрәфиндән өнҹәдән һазырланмыш үчиллик һәмкарлыг програмы нәзәрдән кечирилиб. Бу ҝөрүшләрдә гәрара алыныбдыр ки, Ирагын електрик тәҹһизатлары вә аваданлыгларынын тәмири вә бәрпасы, һәмчинин електрик шәбәкәсиндә иткиләрин азалдылмасы саһәсиндә ики мүһүм мүгавилә имзаламаг үчүн Иранын өзәл секторунун техники вә ихтисас һеjәтләри ҝәлән һәфтә Бағдада сәфәр етсинләр.
342/
