АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Шиәләрин али тәглид мәрҹәси Һәзрәт Айәтуллаһ Үзма Систанинин фәтвасында гейд олунуб ки, бир мүсәлман бүтүн еһтийат тәдбирләрини ҝөрмәсинә бахмайараг оруҹ тутаҹағы тәгдирдә коронавируса йолухаҹағындан горхарса, оруҹ тутмаг онун бойнундан ҝөтүрүлүр.
Айәтуллаһ Үзма Сейид Әли Систани коронавирусун ҝениш йайылдығы бир дөнәмдә мүгәддәс Рамазан айынын оруҹунун тутулмасы илә бағлы суаллары ҹавабландыраркән билдириб ки, Рамазан айында оруҹ тутмағын ваҹиблийин фәрди бир вәзифәдир. Оруҹ тутмаг үчүн шәртләр уйғундурса башгасынын коронавируса тутуб-тутмамасындан асылы олмайараг оруҹ тутмалыдыр.
Анҹаг хәстәлийин инкишаф рискини евдә галмаг, башгалары илә йахындан тәмасда олмамаг, маска вә тибби әлҹәкләрдән истифадә етмәк, тез-тез дезинфексийа етмәклә азалдарса вә бу мәсәлә мүкәлләфә шиддәтли, дөзүлмәз бир чәтинлик йаратмазса оруҹ тутмаг бойнундан ҝөтүрүлмүр.
Һәкимләрин коронавируса тутулмамаг үчүн сусузлуғун вә боғазын гурумасынын гаршысыны алмаг үчүн су ичмәк төвсийәләри оруҹ тутмаға мане йаратмыр. Амма о шәхсләр ки, әминдирләр оруҹ тутсалар вируса йолухаҹаглар вә вируса йолухма рискини азалтмағын һеч бир йолу йохдур вә һәтта евдә галмагла, диҝәр габаглайыҹы тәдбирләр ҝөрмәклә дә бу мүмкүн дейил, о шәхсләрин үзәриндән оруҹ ҝөтүрүлүр, диҝәр шәхсләрә исә оруҹ ваҹибдир.
Рамазан айында ишләрини тәрк етмәк вә вируса йолухмамаг үчүн евдә галмаг имканы оланларын үзәриндән оруҹун ваҹиблийи һөкмү ҝөтүрүлмүр, онлар оруҹ тутмалыдырлар.
Анҹаг һәр һансы бир сәбәбдән ишләрини тәрк едә билмәйәнләр вә ҝүн әрзиндә су ичмәсәләр, вируса йолухаҹагларындан вә хәстәликдән горумаг үчүн башга бир шей едә билмәйәҹәкләриндән горханлара оруҹ ваҹиб дейилдир. Әлбәттә онларын ҹәмиййәт арасында йейиб-ичмәйи вә оруҹу батил едән ишләри ашкара етмәкләри ҹаиз дейил.
Тамамилә айдындыр ки, Рамазан оруҹу ән ваҹиб дини вәзифәләрдән биридир вә һәгиги бир сәбәб истисна олмагла бундан чәкинмәк ҹаиз дейилдир. Һәр инсан өз вәзиййәтинә башгаларына нисбәтән даһа чох аҝаһдыр".
.............
340
13 aprel 2020 - 06:18
Xəbər kodu: 1025124
Фәтвада гейд олунуб ки, бир мүсәлман бүтүн еһтийат тәдбирләрини ҝөрмәсинә бахмайараг оруҹ тутаҹағы тәгдирдә коронавируса йолухаҹағындан горхарса, оруҹ тутмаг онун бойнундан ҝөтүрүлүр.
