АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Трамп Американын импичмент едилән үчүнҹү президентидир.
Өтән ҹүмә ахшамы ҝүнү Трампын импичменти иши илә бағлы иттиһамлар барәдәки маддәләр сенатда “Трампын импичменти үзрә мәсул шәхсләр” командасынын башчысы Адам Шиф тәрәфиндән гираәт олунду.
АБШ конгресинин нүмайәндәләр палатасы өтән чәршәнбә ҝүнү Трампын импичменти лайиһәләринин сената ҝөндәрилмәси барәдәки лайиһәни гәбул етди.
Бу лайиһә 193 әлейһинә сәс гаршылығында 228 леһинә сәслә гәбул олунду.
Гейд олунан лайиһәнин АБШ конгресинин нүмайәндәләр палатасында гәбул едилмәсиндән аз өнҹә дә нүмайәндәләр палатасынын сәдри Ненси Пелоси йедди демократ нүмайәндәни “Трампын импичменти үзрә мәсул шәхсләр” кими тәгдим етди.
Бу йедди нәфәр Трампын импичменти просесини идарә едән шәхсләрдир.
Трампын импичменти просеси онун Украйна президенти илә телефон сөһбәтинин ифша олунмасындан сонра башланды.
Трамп ийул айында украйналы һәмкары Владимир Зеленски илә телефон әлагәси сахлайараг, ондан истәмишди ки, 2020-ҹи ил Америка президент сечкиләриндә онун әсас рәгиби олаҹаг демократ намизәд Ҹо Байденин имиҹинә зәрбә вурсун.
Дейиләнләрә ҝөрә, Трамп Американын Украйнайа һәрби көмәк ҝөстәрмәсини Байденин вә онун оғлунун иддиа олунан коррупсийасы барәдә тәһгигатла шәртләндирибдир.
Бу рүсвайчлылыгдан сонра АБШ конгресинин нүмайәндәләр палатасынын сәдри Ненси Пелосинин ҝөстәриши илә Трампын импичменти үзрә тәһгигат просеси башланды.
...........
340
23 yanvar 2020 - 05:08
Xəbər kodu: 1004663
Америка сенатында бу өлкә президенти Доналд Трампын импичменти үзрә икинҹи мәһкәмә иҹласы кечирилиб.
