Әһли Бејт (әлејһимус сәлам) Хәбәр Аҝентлији АБНА-нын вердији мәлумата ҝөрә, "Фатимијјун" гүввәләринин үзвләриндән бири Гасим Сүлејмани өлдүрүлмәмишдән габаг сон ҝүндә баш верәнләри өз сәһифәсиндә пајлашыб. "Инстаграм"да пајлашылан јазы ҝенерал Гасим Сүлејманинин сон саатлары илә бағлы чох мараглы мәгамлары өзүндә әкс етдирир. Сүлејманинин өмрүнүн сон ҝүнүнүн әксәр һиссәсини онунла бир јердә кечирән дөјүшчү јазыр:
"Сонунҹу ҝүн...
03.01.2020.
Сүбһ саат 07:00, Дәмәшг.
Архамҹа ҝәлән машынла иҹласа јола дүшдүм. Һава булудлудур вә сәрин меһ әсир...
Саат 07:45...
Јығынҹаг олаҹаг јерә чатдым.
Һәмишәки кими Суријада олан бүтүн мүгавимәт һәрәкатларынын мәсуллары иҹласда һазырдырлар.
Саат 08:00...
Һамы бир-бири илә сөһбәт едир. Бу вахт гапы ачылыр вә мүгавимәт һәрәкатынын баш команданы ичәри дахил олур. Һәмишәки тәбәссүмлә һамыдан кеф-әһвал сорушур. Бир нечә дәгигә дилхошлугдан сонра Һаҹы Гасим рәсмән иҹласын ачылышыны елан едир...
Чыхышынын әввәлиндә дејир:
- Һамы јазсын, нә дејирәмсә, һамысыны јазын!
Һәмишә бәзи мүһүм гејдләр едәрдик, амма бу дәфә Һаҹы дејәҹәкләринин һамысыны јазмағы тәкидлә исрар етди.
Данышды, һеј данышды...
Ҝәләҹәк 5 иллик пландан, тәк-тәк мүгавимәт групларынын һәр биринин нөвбәти 5 илдә ҝөрәҹәкләри ишләрдән, мүгавимәт групларынын гаршылыглы әлагәләриндән...вәрәгләр бир-биринин ардынҹа долду, амма о һеј данышырды. Әввәлләр һеч белә бир шеј олмамышды.
Онлар ки, Һаҹы илә ишләјибләр, билирләр ки, иҹлас заманы чох ҹидди олур вә һеч вахт сөзүнү кәсмәјә иҹазә вермир. Амма һәмин ҝүн белә дејилди... Дәфәләрлә сөзү кәсилди, о исә арамла деди:
- Тәләсмәјин, иҹазә верин сөзүмү сона јетирим.
Ҝүнорта саат 11:40.
Зөһр азанынын вахты јетишди.
Һаҹынын тапшырығы илә гыса заманда намаз гылынды вә наһар едилди. Дәрһал иҹлас јенидән давам етди...
Ҝүнортадан сонра саат 3.
Тәгрибән 7 саатдыр иҹлас давам едир. Һаҹынын үрәјиндә нә вар идисә, деди вә биз јаздыг.
Иҹласын сону...
Һәмишәки кими әтрафына топлашдыг вә даныша-даныша чыхыш гапысына гәдәр мүшајиәт етдик.
Бајырда бир машын Һаҹыны ҝөзләјирди. Бејрута јола дүшдү, Сејид Нәсруллаһла ҝөрүшмәк үчүн.
Ахшам саат 9 радәләри.
Һаҹы Бејрутдан Дәмәшгә гајытды. Ону мүшаијәт едән јолдашы сөјләди ки, Сејидлә јалныз бир саат бир јердә олдулар вә сағоллашыб ајрылды.
Һаҹы бу ҝеҹә Бағдада ҝедәҹәјини билдирди вә тапшырды ки, һазырлыг ҝөрсүнләр.
Араја сүкут чөкдү.
Бир нәфәр сүкуту позду:
- Һаҹы Ирагда вәзијјәтә јахшы дејил, һәләлик ҝетмәјин!
Һаҹы ҝүлә-ҝүлә деди:
- Горхурсуз ки, шәһид олум!
Сөһбәт ачылды, һәрә бир сөз деди:
- Шәһадәт ифтихардыр, амма сизин ҝетмәјиниз бизим үчүн фаҹиәдир.
- Һаҹы, бизим сизинлә ишимиз һәлә чохдур.
- ...
Һаҹы үзүнү бизә тутду, араја јенә сүкут чөкдү. Чох сакит вә сөзләрини өлчә-өлчә деди:
- Мејвә јетишдисә, бағбан ҝәрәк ону јығсын. Әҝәр јығмаса, ағаҹда чүрүјәҹәк вә өзү дүшәҹәк.
Сонра ҝөзүнү орда топлашанларын ичәрисиндә ҝәздирәрәк, әли илә бир нечә нәфәри ҝөстәрди:
- Бу јетишиб, бу да јетишиб, бу да...
Ҝеҹә саат 12.
Тәјјарә ҝөјә галхды.
Ҝеҹә саат 2
Һаҹынын шәһадәт хәбәри јетишди.
Дәмәшдә һәмишә истираһәт етдији евә ҝетдик. Бир кағаз тикәси јазмышды вә ҝүзҝүнүн гаршысында гојмушду...
P.S. Кағызда јазылыб: Әлһәмдулиллаһи Рәббил - Аләмин. Илаһи, мәни пак гәбул ет..."
Диггәт: Хәбәрдән истифадә етдикдә мәнбәјә истинад лазымдыр!
