Әһли Бејт (әлејһимус сәлам) Хәбәр Аҝентлији АБНА-нын вердији мәлумата ҝөрә, ҹинајәткар Америка Бирләшмиш Штатларынын президенти бу ҝүн 8 јанвар 2020 тарихиндә, сәһәр радәләриндә Иран Ислам Республикасынын ракет зәрбәләринә вердији илкин рәсми ҹавабында дејиб ки, Вашингтон һалһазырда еһтимал олунан тәләфат вә хәсарәтләри дәјәрләндирир. Вә тезликлә бу һаггда бәјанат јајаҹагдыр.
Доналд Трамо өзүнүн рәсми тивтер сәһифәсиндә белә јазыб: "Ниҝаранчылыға еһтијаҹ јохдур! Иран тәрәфиндән Ирагдакы ики һәрби базаја ракет зәрбәләри ендирилиб. Һазырда тәләфат вә хәсарәтләр дәјәрләндирилир. Бу јерә кими һәр шеј өз гајдасындадыр! Биз бөјүк бир фасилә илә дүнјанын ән гүдрәтли вә тәҹһиз олунмуш ордусуна маликик! Сабаһ сүнһ бәјанат верәҹәјәм."
Америка президенти бир нечә саат бундан өнҹә Америка Милли Тәһлүкәсизлик Шурасындакы топлантыја гатылмышдыр. Топлантыдан өнҹә Д. Трампын телевизија гаршысында чыхыш едәҹәји билдирилсә дә, сонра гејд олунан топлантынын ләғз едилдији елан олунду.
Гејд едәк ки, Иран Ислам Ингилабы Кешикчиләри бу ҝүн 8 јанвар 2020 тарихдә сәһәр радәләриндә Маршал шәһид Гасим Сүлејанинин америка тәрәфиндән террор едилмәсинә ҹаваб олараг АБШ-ын Ирагдакы ики мүһүм һәрби базасына 40 ракет зәрбәләри ендириб.
Диггәт: Хәбәрдән истифадә етдикдә мәнбәјә истинад лазымдыр!
