Әһли-Бејт (ә) Хәбәр Аҝентлији

мәнбә : ABNA24
çərşənbə

10 may 2023

20:10:33
1364603

“Иран вә Оман арасында бирҝә әнәкдашлыг реҝионун тәһлүкәсизлијини јахшылашдыра биләр”

Силаһлы Гүввәләрин Баш Гәрарҝаһ рәиси билдириб ки, “Иран вә Оман арасында бирҝә тәдбирләр тәһлүкәсизлији даһа да ҝүҹләндирмәклә кәнар ҝүҹләрә реҝионда еһтијаҹын олмамасына сүбут ола биләр .

Ҹәнаб Ҝенерал-мајор Багири Оман Султаны илә ҝөрүшдә һәмчинин вурғулајыб ки, Иран вә Оман арасында бирҝә тәдбирләр реҝионун тәһлүкәсизлијини даһа да јахшылашдыра биләр.

Гејд едәк ки, јүксәк сәвијјәли һәрби һејәтин башчылығы илә Омана сәфәр едән Иран Силаһлы Гүввәләринин Баш Гәрарҝаһ рәиси, ҝенерал-мајор Багири Оман султаны Һејсәм бин Тариг бин Тајмур Әл Сәидлә ҝөрүшүб вә бир чох мөвзулар һагда мүзакирәләр едиб.

Ҝенерал-мајор Багири бу ҝөрүшдә илк өнҹә дост вә гардаш Оман өлкәсинә сәфәриндән мәмнунлуғуну ифадә едәрәк, ики өлкә арасындакы мүнасибәтләри дајаныглы вә мүсбәт һесаб едәрәк дејиб ки, “ Иран Ислам Ингилабынын Мүәззәм Рәһбәри Оманы Иранын јахшы гоншусу һесаб едир”

Ҝенерал Багири еләҹә дә вурғулајыб ки, Иран вә Оманын бирҝә аддымлары реҝион үчүн даһа јахшы тәһлүкәсизлик јаратмагла кәнар ҝүҹләрин бөлҝәдә олмасына еһтијаҹ олмадығыны сүбут едә биләр.

Бу ҝөрүшүн давамында Һејсәм Бин Тариг Бин Тајмур Әл Сәид дә ҝенерал-мајор Багири илә ҝөрүшүндә дејиб ки, Иранын рәһбәри вә президентинә сәмими саламларымы чатдырын вә Аллаһын изни илә, јахын ҝәләҹәкдә Ирана сәфәр едәҹәм.”

Оман Султаны даһа сонра ики өлкә арасында һәрби вә мүдафиә сәнајеси әмәкдашлығынын инкишаф етдирилмәсинин зәрурилијини вурғулајараг билдириб ки, “ Ики силаһлы гүввәләр арасында мүхтәлиф мүдафиә вә һәрби саһәләрдә әмәкдашлыг сәвијјәси даһа да јүксәлдилмәлидир.”

Һејсәм бин Тариг бин Тајмур Әл Сәид чыхышында һәмчинин, Оман Һәрби Дәниз Гүввәләринин Ирандакы бејнәлхалг тәлимләрдә иштиракы мәсәләсинә тохунараг вурғулајыб ки, “Һөрмүз боғазы вә Оман дәнизинин тәһлүкәсизлијини анҹаг реҝион өлкәләри тәмин едә биләр”

342/