Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, мүбарәк Рамазан ајынын сонунҹу ҹүмәсинә тәсадүф едән һиҹри гәмәри тарихи илә 27 Рамазан 1443-ҹү ил, ( милади тарихи илә 29 апрел 2022) Үмүмдүнја Мүсәлманларынын Али Лидери һәзрәт Ајәтуллаһулузма Хаменеи Үмумдүнја Гүдс Ҝүнү мүнасибәтилә телевизија васитәси илә чыхыш едибләр.
Биз АБНА сајты олараг Имам Хаменеи һәзрәтләринин Үмумдүнја Гүдс Ҝүнү мүнасибәтилә етдикләри телевизија чыхышын там мәтнини сиз әзизләрә тәгдим едирик:
”بسماللهالرّحمنالرّحیمالحمدلله ربّ العالمین و الصّلاة و السّلام علی سیّد الخلق و اشرف البریّة سیّدنا محمّد المصطفی خاتم المرسلین و علی آله الطّاهرین و صحبه المنتجبین و من تبعهم باحسان الی یوم الدّین.
Дүнјадакы бүтүн мүсәлман баҹы вә гардашлара салам олсун! Ислам дүнјасы ҝәнҹләринә салам олсун! Салам олсун ҹәсур вә гејрәтли Фәләстин ҝәнҹләринә вә бүтүн Фәләстин халгына.
Гүдс ҝүнү јенә ҝәлиб чатды. Мүгәддәс Гүдс дүнјадакы бүтүн мүсәлманлары чағырыр. Һәгигәт будур ки, гәсбкар вә ҹинајәткар сионист режим Гүдсдә һөкмранлыг етдији мүддәтҹә илин бүтүн ҝүнләри Гүдс ҝүнү һесаб едилмәлидир.
Мүгәддәс Гүдс Фәләстинин үрәјидир, өлкә бүтөвлүкдә гәсб едилмишдир, дәниздән чаја гәдәр Гүдсүн давамыдыр. Фәләстин халгы мисилсиз шүҹаәтлә залым гаршысында дајаныб вә бундан сонар даһа да чох дирәнишини нүмајиш етдирәҹәк. Ҝәнҹләр өз фәдакар әмәлијјатлары илә Фәләстинин мүдафиә сипәринә чеврилиб фәргли бир ҝәләҹәјин мүждәчиси олублар.
Биз бу ил Гүдс Ҝүнүнү Фәләстиндә елә бир һалда гејд едирик ки, һәр бир шеј Фәләстинин бу ҝүн вә сабаһ үчүн јени дүзәнлә габаға ҝедәҹәјиндән хәбәр верир. Бу ҝүн Фәләстиндә вә бүтүн Гәрби Асијада ҹанланан “Мәғлубедилмәз Ирадә” артыг сионист режимин “мәғлубедилмәз орду” мифини әвәз едир.
Бу ҝүн һәмин ҹинајәткар орду өз һүҹум гурулушуну дәјишәрәк мүдафиәјә чевирмәк мәҹбуријјәтиндә галыб. Бу ҝүн сијаси аренада гәсбкар режимин ән мүһүм дәстәкчиси олан АБШ ардыҹыл мәғлубијјәтләрә мәруз галыб: Әфганыстан мүһарибәсиндә мәғлубијјәт, Ислами Ирана гаршы максимум тәзјиг сијасәтиндә мәғлубијјәти, Асија ҝүҹләри гаршысында мәғлубијјәти, дүнја игтисадијјатына нәзарәтиндәки уғурсузлуг, дахили идарәчилијиндәки уғурсузлуг вә Америка һакимијјәтиндәки дәрин чатлаг феномени.
Истәр сијаси, истәрсә дә һәрби аренада гәсбкар режим бир-биринә гарышмыш проблемләр шәбәкәсинә долашыб; Режимин башында олан кечмиш ҹәллад вә ҹинајәткар дастана чеврилмиш Сејф әл-Гүдс әмәлијјатынын ардынҹа зибиллијә гатылды. Онун давамчылары да бу ҝүн һәр саат башга дастанлара чевриләҹәк дағыдыҹы әмәлијјатларын баш верәҹәјини ҝөзләјирләр.
Ҹәнин һәрәкәты сионист режимини дәли едиб. Ијирми ил әввәл Нәһаријјәдә бир нечә сионистин өлдүрүлмәсинә ҹаваб олараг гәсбкар режим Ҹәнин проблемини әбәди һәлл етмәк үчүн Ҹәнин дүшәрҝәсиндә ики јүз нәфәри гәтлә јетирди!
Сорғулар ҝөстәрир ки, 1948 вә 1967-ҹи илләрдә гәсб едиән Фәләстин әразиләриндә вә хариҹи дүшәрҝәләрдәки фәләстинлиләрин тәхминән 70 фаизи Фәләстин лидерләрини ишғалчы режимә һәрби зәрбәләр ендирмәјә тәшвиг едир. Бу мүһүм һадисәдир; Чүнки бу, фәләстинлиләрин гәсбкар режимлә гаршыдурмаја там һазыр олмасы демәкдир вә мүҹаһид тәшкилатларынын әлләрини лазым билдикләри заман һәрәкәтә кечмәкдә сәрбәст бурахыр.
Фәләстин халгынын (1948-ҹи илдәки хәритәјә әсасән) өлкәнин шимал вә ҹәнуб бөлҝәләриндә ҹиһадчы һәрәкатлары вә ејни заманда Иорданија вә Шәрги Гүдсдә ағыр јүрүшләр вә фәләстинли ҝәнҹләрин јәһудиләрин Мәсҹидүл-Әгсаја гаршы јүрүшләри вә тәҹавүзләри гаршысындакы шиддәтли мүдафиәси вә Гәззада кечирилән һәрби тәлим бүтүн Фәләстинин мүгавимәт сәһнәсинә чеврилдијини ҝөстәрди. Инди Фәләстин халгы ҹиһадын давам етдирилмәси барәдә ејни нәзәрдәдирләр.
Бу һадисәләр вә сон илләрдә Фәләстиндә баш верәнләр сионист дүшмәнлә бүтүн компромис планларынын ләғвинин мөһүрүдүр, чүнки Фәләстинлә бағлы һеч бир план онун саһибләри олан фәләстинлиләрин һүзуру олмадан вә ја онларын рәјинин әксинә олараг һәјата кечирилә билмәз; Бу о демәкдир ки, Осло вә ја әрәб ики дөвләт планы вә ја әсрин мүгавиләси вә ја сон алчалдыҹы нормаллашмалар кими бүтүн әввәлки разылашмалар ләғв едилиб.
Сионист режим, тәбии ки, түкәнмәсинә бахмајараг, ҹинајәтләрини давам етдирир вә мәзлумлары силаһла гәтлә јетирир; Силаһсыз гадынлары, ушаглары, гоҹалары вә ҹаванлары өлдүрүр, һәбс едир вә ишҝәнҹәләр верир, евләри дағытыр, тәсәррүфатлары вә мүлкләри мәһв едир; Амма Украјна мәсәләсиндә иғтишашлары башлатан Авропа вә АБШ-да инсан һагларыны иддиа едән јаланчылар Фәләстиндә баш верән бүтүн бу ҹинајәтләр гаршысында сусараг мәзлумлары мүдафиә етмир, һәм дә ганичән гурда көмәк едирләр.
Бу бөјүк бир дәрсдир ки, Ислам дүнјасы вә Фәләстин мәсәләсиндә бу иргчи вә дүшмән ҝүҹләрә ҝүвәнмәк олмаз вә онлара етибар етмәк олмаз; Јалныз Гурани-Кәримин тәлиминдән вә севимли Исламын һөкмләриндән гајнагланан мүгавимәт ҝүҹү илә Ислам дүнјасынын проблемләри вә һәр шејдән әввәл Фәләстин проблеми һәлл едилә биләр.
Гәрби Асија реҝионунда мүгавимәтин формалашмасы сон онилликләрдә реҝионда ән мүбарәк һадисә олуб. Мәһз мүгавимәт Ливанын ишғал олунмуш һиссәләрини сионистләрдән тәмизләди, Ирагы АБШ-ын боғазындан чыхарды, Ирагы ИШИД-дән хилас етди вә АБШ-ын планларына гаршы Сурија мүдафиәчиләринә јардым етди. Мүгавимәт бирлији бејнәлхалг терроризмлә мүбаризә апарыр, онлара гаршы гојулан мүһарибәдә Јәмәнин дөзүмлү халгына көмәк едир, Фәләстиндә сионист ишғалчыларын варлығы илә мүбаризә апарыр вә онлары Аллаһын һөвл-гүдрәти илә дизә чөкдүрүр, мүҹаһидләрин сәји илә Гүдс вә Фәләстин мәсәләсини дүнја иҹтимаијјәтинә һәр кечән ҝүн даһа да өнә чыхыр.
Сиз Фәләстинлиләр, сиз Иордан чајынын гәрб саһилиндә вә 1948-ҹи илдәки хәритәјә әсасән Фәләстин дөвләтинин фәдакар ҝәнҹләри, сиз Ҹенин дүшәрҝәсинин дөјүшчүләри вә сиз Фәләстин хариҹиндәки Фәләстин дүшәрҝәләринин сакинләри, мүгавимәт бирләшмәләринин мүһүм вә һәссас бир һиссәсисиниз. Вә билин ки, “Шүбһәсиз ки, Аллаһ иман ҝәтирәнләри мүһафизә едир” вә “Әҝәр сәбр етсәниз, бу, сәбр едәнләр үчүн даһа хејирлидир” вә “Әҝәр сәбр едиб (Аллаһдан) горхсаныз, (билин ки,) бу, әзмкарлыг (тәләб едән) әмәлләрдәндир” вә “Сәбр етдијинизә ҝөрә сизә салам олсун! Ахирәтјурдунузнеҹәдәҝөзәлдир!”.
Иран Ислам Республикасы Мүгавимәт Ҹәбһәсинин тәрәфдарыдыр, Фәләстин мүгавимәтинин тәрәфдарыдыр; Биз буну һәмишә демишик вә буна әмәл едиб вә исрар етмишик. Биз (сионист режим илә) хәјанәткар “нормаллашма” аддымыны писләјирик; Биз (сионист режим илә әлагәләрин нормаллашмасына) ујғунлашма сијасәтини писләјирик.
Бәзи әрәб һөкумәтләринин АБШ-а Фәләстин проблеминин һәллиндә тәләсмәсини сөјләјирләр, әввәла әҝәр онларын мәгсәди Америка бөлҝәни тәрк етмәмишдән әввәл гәсбкар (Исраил) режимин давамлығына зәрәр ҝәтирән һәр һансы бир манеәни арадан галдырмасыдырса, илк олараг әрәб дүнјасына хәјанәт едиб вә рүсвајчылыг јаратмышлар. Икинҹиси дә садәлөвһлүк етмишләр, чүнки кор башга бир кора бәләдчи ола билмәз!
Нәһајәт, фәләстинли шәһидләрин руһу гаршысында баш әјир, онларын сәбирли аиләләринә еһтирамымы билдирирәм, гәти гәрарлылыгла мүгавимәт ҝөстәрән фәләстинли мәһбуслар вә әсирләри саламлајырам вә бу бөјүк мәсулијјәтин ағыр јүкүнү дашыјан сәбирли фәләстинлиләрин әлини сыхырам. Ислам дүнјасыны, хүсусилә ҝәнҹләри бу шәрәф вә ләјагәт саһәсиндә иштирак етмәјә чағырырам. Дуаларымызын сону исә будур ки, аләмләрин Рәбби олан Аллаһа һәмд олсун.
Сејјид Әли Хаменеи”
Диггәт: Хәбәрдән Истифадә Етдикдә Мәнбәјә Истинад Лазымдыр!
