АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Казем Гәрибабади МАГАТЕ Идарә Һейәтинин хүсуси иҹласында иштирак етдикдән сонра Сәудиййә Әрәбистаны нүмайәндәсинин Иранын аҝентликлә и там әмәкдашлығынын зәрурилийинә даир сөзләринә ҹаваб олараг әлавә едиб: Әрәбистан кралы аҝентлийин дәфәләрлә хаһиш етмәсинә рәғмән, һәлә мүаһидә илә бағлы әһатәли разылашманы гәбул вә иҹра етмәйиб вә МАГАТЕ мүфәттишләринин бу өлкәнин нүвә фәалиййәтләринә баш чәкмәләринә иҹазә верилмир. Әрәбистан нүмайәндәси белә олан шәраитдә неҹә шәффафлыг вә әмәкдашлыгдан даныша биләр?!
Гәрибабади һәмчинин АБШ нүмайәндәсинин МАГАТЕ Идарә Һейәтинин хүсуси иҹласында аҝентлийин мүфәттишләринин пешәкар ишинә там инанмасына даир чыхышына реаксийада дейиб: Әҝәр Америка аҝентлийин вә онун мүфәттишләринин пешәкар фәалиййәтләри вә рәфтарларына инанырса, бәс нә үчүн Иранын нүвә анлашмасына там шәкилдә садиг галдығыны тәсдиг едән елә бу аҝентлийин вә онун мүфәттишләринин 16 ардыҹыл һесабатына инанмады вә биртәрәфли вә гейри-гануни олараг нүвә анлашмасыны тәрк етди?!
Иранын Вйанада йерләшән бейнәлхалг тәшкилатлардакы сәфири вә даими нүмайәндәси сионист режим нүмайәндәсинин Иранын нүвә програмы барәдәки сөзләринә реаксийада исә белә дейиб: Бу режим әввәлҹә өз әлләрини тәҹавүзләр вә ҹинайәтләрдән, һәмчинин күтләви гырғын силаһларындан тәмизләмәли вә сонра бу иҹласа дахил олмалыдыр.
..........
340
