АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Сионист режимин баш назири Бенйамин Нетанйаһу бир чыхышда Иордан чайынын гәрб саһилиндәки бәзи мәнтәгәләри 1948-ҹи илдә ишғал олунмуш әразиләрә гатмаг ниййәтиндән хәбәр вериб. Бу хәбәр бир даһа медиаларын башлығына чеврилибдир. Бу планын иҹрасы илә фәләстинлиләр гәрб саһилиндә йерләшән 72 мин һектарлыг әразиләриндән, Бәһрулмәййит-дән, су мәнбәләриндән, еләҹә дә Иорданийа илә сәрһәддән вә әлагәдән мәһрум олаҹаглар. Бура Фәләстинлә Иорданийа арасында йерләшән Бәһрулмәййит-дир вә әл-Әгвар орада йерләшир.
Сионист режим һазырда сәрһәдләр, сулар вә мүнбит әкин саһәләринә шамил олан әл-Әгварын сәксән фаизинә йийәләниб. Вә әҝәр бу мәнтәгәләр 1948-ҹи илдә ишғал олунмуш әразиләрә гатыларса, һеч бир вәҹһлә фәләстинлиләрә һәмин мәнтәгәләрә дахил олмаг вә йа чатмаг иҹазәси верилмәйәҹәкдир.
м.к- Әл-Әгвар, Бәһрулмәййит, буранын суйу вә торпағы бизимдир. Нетанйаһу бу мәнтәгәләри ишғал олунмуш әразиләрә гатмаг истәйир. Һалбуки бу бизим гануни һаггымыздыр вә буна йол вермәйәҹәйик. м.к- Ҝәлмишик дейәк ки, бура Фәләстин әразисидир. Мүгавимәтимизи давам етдирәҹәйик. Вә елан едирик ки, әл-Әгвар фәләстинлиләриндир. Онларла фәләстинли вә хариҹи фәал Нетанйаһунун сөзләринә ҹаваб олараг әл-Әгвара ҝәлди вә бу бинанын дамында Фәләстин байрағыны далғаландырды.
Ишғалчы ордудан чохлу сайда гүввә фәаллары мүһасирә едәрәк, онларын бир групуну һәбс етди. Ишғалчылар бир груп фәләстинлини дөйәрәк, онларын һамысыны тәһдид етдиләр ки, әҝәр бу мәканы тәрк етмәсәләр, һәбс олунаҹаглар. Ишғалчы гүввәләр бу мәнтәгәни гапалы һәрби мәнтәгә елан едибләр. м.к-Ишғалчы орду фәләстинлиләри һәбс вә йа шәһид едәркән сакит олур. Онлар Фәләстин халгынын ганыны төкмәк вә она ишҝәнҹә вермәйи хошлайырлар.
Бүтүн медиа фәаллары вә мүхбирләр силаһ ҝүҹүнә бу бөлҝәдән чыхарылыблар.
.........
340
