(ABNA24.com) Илһан Өмәр вә Рәшидә Талиб АБШ конгресинин ики мүсәлман үзвүдүр. Сон заманлар онларын ишғал олунмуш Фәләстинә дахил олмалары әнҝәлләниб вә онлар сосиал шәбәкәләрдә сионист режим һимайәдарларынын һиддәти илә үзләшибләр.
Фәләстин әсллийинә малик Талиб Иордан чайынын гәрб саһилиндә ону вә Өмәри гаршыламаг үчүн һазырланмыш плакатлара ишарә едәрәк, йазыб: "Бир ҝүн мән вә Илһан Өмәр Бейт-Ләһмдә олаҹағыг вә иншааллаһ, һәмин ҝүн Фәләстин азад едилмиш олсун. #Фәләстини азад един!"
Өмәр дә Талибә ҹаваб олараг йазыбдыр: Чох тез олаҹаг, бир ҝүн.
АБШ конгресинин нүмайәндәләр палатасынын бу ики демократ үзвү Америка президенти Доналд Трампын сәрт тәнгидчиләриндән һесаб олунур. Бу ики нәфәр бу һәфтә ишғал олунмуш Фәләстинә сәфәр етмәли иди, амма Трамп сионист режимдән истәди ки, бу ики нәфәрә виза вермәсин.
Сионист режимин баш назири Бенйамин Нетанйаһу да Талиб вә Өмәри бу режимин бойкот едилмәси һәрәкатына дәстәк вермәкдә иттиһам едәрәк, билдириб ки, бу ики нәфәрин ишғал олунмуш Фәләстинә дахил олмаг һаггы йохдур.
Сионист режимин бойкот едилмәси һәрәкаты мәзлум Фәләстин халгына дәстәк мәгсәдилә бүтүн дүнйада бейнәлхалг мүәссисәләр, ширкәтләр вә университетләри сионист режими вә бу режимин ишғалчылығы илә бағлы тәшкилатлары бойкот етмәйә тәшвиг едир вә бүтүн дүнйада ҝенишләнмәкдәдир.
.......
340
