(ABNA24.com) Чинин һеч вахт Һонг-Конгун дахили ишләринә хариҹи мүдахиләйә дөзмәйәҹәйини билдирән Һуа Тсзунин үзүнү АБШ илә Инҝилтәрәйә тутараг, дейиб: Өз гара әлләринизи тез бир заманда бу мәнтәгәнин үзәриндән ҝөтүрүн!
Иран Хариҹи Ишләр Назирлийинин рәсми нүмайәндәси Сеййед Әббас Мусәви дә сон заманлар Теһранын “Ваһид Чин” сийасәтинә там дәстәк вердийини билдирәрәк, Америка вә Инҝилтәрә һөкумәтләринин Чинин дахили ишләринә гарышмаларыны писләмишди.
Сон һәфтәләр әрзиндә Һонг-Конг анти-һөкумәт етиразларынын шаһидидир вә етиразчылар бу мәнтәгәнин парламент бинасына ҝирәрәк, тәхрибатчылыг төрәдә билмишдиләр.
Америка вә Инҝилтәрә етиразчыларын һәрәкәтләрини писләмәк йеринә, Чин тәһлүкәсизлик гүввәләринин аксийачыларла рәфтар тәрзини тәнгид едәрәк, иддиа етмишдиләр ки, әҝәр Пекин Һонг-Конгдакы азадлыглара һөрмәт етмәзсә, бу рәфтарын ҹидди нәтиҹәләрини ҝөзләмәлидир.
Бәзи Һонг-Конг вәтәндашлары ҹаниләрин Чин һөкумәтинә екстрадисийасы иҹазәсини верән бу мухтар мәнтәгәнин парламентиндә лайиһәнин гәбул олунмасына етираз олараг, ийунун доггузундан бәри аксийайа әл атыблар.
Һонг-Конгун йерли һөкумәти ийунун 15-дә билдирди ки, бу ганунла бағлы бүтүн аддымлары дайандырыр, амма етиразчылар һәлә дә бу мәнтәгәнин күчәләриндә олмагда давам едирләр.
Һонг-Конг 1842-ҹи илдән 1997-ҹи иләдәк Инҝилтәрәнин һөкмранлығы алтында олуб. Амма 1997-ҹи илдә Инҝилтәрә илә өнҹәки мүгавилә битдикдән сонра Чин Халг Республикасына гошулду.
.......
340
