(ABNA24.com) Ниҝерийа халгы бу дәфн мәрасиминдә Шейх Зәкзакинин азад едилмәсини истәйибдир.
Ниҝерийа һәрбчиләри базар ертәси ҝүнү бу өлкәнин пайтахты Абуҹада кечирилән Шейх Зәкзаки илә һәмрәйлик аксийасынын иштиракчыларына диван тутублар. Бу заман он бир нәфәр шәһид олуб, отуз нәфәр дә йараланыбдыр.
Шейх Ибраһим Зәкзаки вә онун һәйат йолдашы 2015-ҹи ил декабрын 13-дә Ниҝерийа һәрбчиләринин Зариа шәһәриндәки һүсейниййәйә басгыны заманы һәбс олунублар.
Ниҝерийанын орду гүввәләри Шейх Зәкзакинин һәбс олундуғу ҝүн һүсейниййә вә онун мәнзили гаршысына топлашмыш аксийачлара тәрәф атәш ачараг, Шейх Зәкзакинин үч өвлады дахил олмагла йүзләрлә нәфәри шәһид едибләр.
Ниҝерийа али мәһкәмәси 2016-ҹы илин декабрында Шейх Зәкзакинин тез бир заманда азад едилмәси һагда һөкм чыхарды вә бу өлкәнин ордусу вә тәһлүкәсизлик тәшкилатларыны онун аиләсинә 150 мин доллар компенсасийа өдәмәйә мәһкум етди, амма орду вә бу тәшкилатлар һәмин һөкмү иҹра етмәкдән имтина едәрәк, Шейх Зәкзакини һәбсдә сахламагда давам едирләр.
Ниҝерийа ислами һәрәкатынын рәһбәринә йахын мәнбәләр билдирибләр ки, Шейх Зәкзакинин сәһһәти ағырдыр, буна ҝөрә, тез бир заманда азад едилмәлидир.
Ниҝерийа ислами һәрәкаты да сон заманлар билдирибдир ки, Шейх Зәкзаки бу өлкәнин һөкумәти тәрәфиндән зинданда зәһәрләндирилибдир.
.......
340
25 iyul 2019 - 09:19
Xəbər kodu: 964434
Ниҝерийалы һәрбчиләрин бу өлкәнин пайтахты Абуҹада Ниҝерийа ислами һәрәкатынын рәһбәри Шейх Ибраһим Зәкзакинин тәрәфдарларына гаршы сон һүҹумунун шәһидләриндән алты нәфәрин дәфн мәрасими кечирилиб.
