(АБНА24.ҹом) Ислам Ингилабынын Бөйүк Рәһбәри чәршәнбә ахшамы гурулушун мәсул ишчиләри илә ҝөрүшдә дүшмән илә гаршылашмада, мүгавимәти бүтүн саһәләр үзрә Иран халгынын гәти сечими адландырды вә дедиләр: АБШ-ын һазыркы һөкумәти илә мүзакирә һәддән артыг зәһәрлидир.
Ислам Ингилабынын Бөйүк Рәһбәринин офисинин интернет порталынын билдирдийинә ҝөрә, һәзрәт Айәтуллаһ Хамнеи дейибләр: Әлбәттә, мүһарибә олмайаҹаг. Гаршыдурма, ирадәләрин гаршыдурмасыдыр вә бу саһәдә Иран халгы вә Ислам гурулушунун ирадәси дүшмәндән даһа ҝүҹлүдүр. Вә Аллаһын көмәйи илә бу дәфә дә галиб ҝәләҹәйик. Ислам Ингилабынын Бөйүк Рәһбәри әлавә едибләр: АБШ башда олмагла Иран Ислам Республикасынын дүшмәнләри елә тәсәввүр едирләр ки, мисилсиз санксийалар илә Ирана зәрбә вура биләрләр. Амма, Иран халгы вә рәсмиләринин сәйи нәтиҹәсиндә Ислам Республикасы мөһкәм дайаныб.
Һәзрәт Айәтуллаһ Хаменеи әлавә едибләр: АБШ илә йанашы, Фарс Көрфәзи Һарунларынын сәрвәтиндән дә горхмаг лазым дейил. Чүнки, һеч бир гәләт едә билмәзләр.
Ислам Ингилабынын Бөйүк Рәһбәри АБШ-ын дөвләт грумларынын рәсми һесабатларына истинад едәрәк, Америкада 41 милйон инсанын аҹлыгдан әзиййәт чәкдийини, доғулан ушагларын 40 фаизинин никаһдан кәнар ушаглар олдуғуну, 2.2 милйон мәһбусун олмасыны, наркотик маддәләрдән истифадә үзрә ән йүксәк ҝөстәриҹийә малик олмасыны вә дүнйадакы силаһлы инсидентләрин 31%-нин АБШ-да төрәдилмәсини бу өлкәнин реаллыгларындан адландырыб вә дейибләр: Бәзиләри АБШ-ы һәддиндән артыг бөйүк, әзәмәтли вә тәһлүкәли һесаб едирләр. Әлбәттә, дүшмәнин дүшмәнчилийиндән гәфләт етмәк лазым дейил. Амма, АБШ-ын өзү ҹидди проблемләр илә үз-үзәдир вә бу бир реаллыгдыр.
Ислам Ингилабынын Бөйүк Рәһбәри һәмчинин, проблемләри һәлл етмәк үчүн хариҹдән көмәк ҝөзләмәйин мәнасыз олдуғуну хатырладараг, дедиләр: Әҹнәбиләрә үмид бәсләмәк өлкәни зәрбә алтында гоймаг демәкдир вә Авропалыларын нүвә анлашмасындакы рәфтары буна айдын нүмунәдир.
Һәзрәт Айәтуллаһ Хаменеи һәмчинин дедиләр: Бизим авропалылар илә һеч бир проблемимиз йох иди. Амма, онлар һеч бир өһдәликләринә әмәл етмәдиләр вә етмирләр дә. Буна бахмайараг давамлы олараг биздән нүвә анлашмасына садиг галмағымызы истәйирләр.
............
300
