Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Һәмасын Гәззә Золағындакы тәһлүкәсизлик идарәси өтән ҝүн ҝеҹә радәләриндә Фәләстин Сабирун Һәрәкатынын Баш Катиби Шејх Һишам Салими азад едиб.
Һәмас Фәләстин Сабирун Һәрәкатынын Баш Катиби илә јанашы һәбс етдији бу һәракатын даһа үч рәһбәрини дә азад едиб.
Гејд едәк ки, Һәмас Фәләстин Сабирун Һәрәкатынын Баш Катиби илә јанашы бу һәракатын Шади Әбу Гумбәз, Нубејл Фәрвани, Тәһрир Шутејви, Имад Хаҹа адларында олан даһа 4 Шиә үзвүнү һәбс едәрәк бир һәфтәдән чох иди ки, Гәззә Золағында инша етдији зинданларын бириндә сахламышдыр.
Һәмасын белә бир аддымы Мүгавимәт Һәракаты арасында чохлу етираз вә сәскүјләрә сәбәб олмушдур. Диҝәр тәрәфдән исә Һәмасын Гәззәдә сионист режиминә гаршы фәалијјәт ҝөстәрән Шиә Мүгавимәт Һәракатына гаршы белә аддым атмасы ишғалчы исраил режиминин севинҹинә вә бу аддымын дүзҝүн олдуғуну елан етмәсинә сәбәб олмушдур.
Гејри-рәсми мәлумата ҝөрә Һәмасын Баш Катиби Фәләстин Сабирун Шиә Һәрәкатынын һәрби саһәдә фәалијјәт ҝөстәрмәсинә сон гојмаг әзминдәдир.
Билдирәк ки, Һишам Салим илк өнҹә Фәләстин Ислами Ҹиһад Һәракатынын рәһбәрләриндән бири иди. О, мүәјјән сәбәбләр үзүндән 2014-ҹү илдә Ислами Ҹиһад Һәракатындан ајрылараг сионист режиминә гаршы мүбаризәдә Шиә Ҹәфәри Мәзһәбинин формулуну сечәрәк Фәләстин Сабирун Шиә Һәрәкатыны тәсис етмишдир. Буна дөзә билмәјән Һәмас һәр заман Сабирун Һәракатыны Гәззә Золағында Шиә мәзһәбини јајмагда иттиһам едир. Лакин һәмишә олдуғу кими Сабирун Һәракатынын рәһбәр вә башбиләнләри даим бу иттиһамлары тәкзиб едәрәк фәалијјәтләринин сионист исраил режиминә гаршы мәһз Әһли Бејт (әлејһим сәлам) Мәктәбнә ујғун формада апардыглары олдуғуну вурғулајыблар.
Диггәт: Хәбәрдән истифадә етдикдә мәнбәјә истинад лазымдыр
