Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Русијанын Москва вилајәти Лјуберетск шәһәр Истинтаг Тәҹридханасындан “јоха чыхымыш” Талыш фәалы Фәхрәддин Аббасов (Фахродин Абосзода) пејда олду. Белә ки, сөзү ҝедән шәхс Бакы Һава Лиманында сахланылды Азәрбајҹан Дөвләт Тәһлүкәсизлији Хидмәти тәрәфиндән Бакы Бејнәлхалг Һава Лиманында сахланылыб.
Дөвләт Тәһлүкәсизлији Хидмәтинин Иҹтимаи әлагәләр шөбәсиндән мәлумат ҝөрә, ДТХ-да истинтагы апарылан ҹинајәт иши үзрә Аббасов Фәхрәддин Фәрман оғлу Азәрбајҹан Республикасы Ҹинајәт Мәҹәлләсинин 281.2 (Дөвләт әлејһинә јөнәлән ачыг чағырышлар) вә 283.1-ҹи (Милли, ирги нифрәт вә дүшмәнчилијин салынмасы, милли ләјагәтин алчалдылмасы) маддәләриндә нәзәрдә тутулан ҹинајәт әмәлләрини төрәтмәкдә шүбһәли билинәрәк бу әмәлләрә ҝөрә тәгсирләндирилән шәхс кими мәсулијјәтә ҹәлб едилмәсинә даир гәрар гәбул едилиб.
Гејд едилиб ки, Бакы шәһәри Сәбаил рајон Мәһкәмәсинин 14 ијул 2018-ҹи ил тарихли гәрары илә Аббасов Фәхрәддин Фәрман оғлунун барәсиндә һәбс гәтимкан тәдбири сечилиб.
Диггәт: Хәбәрдән истифадә етдикдә мәнбәјә истинад лазымдыр
