Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, АБШ-ын Пенсилванија штатынын Питсбург шәһәриндә јерләшән лисејдә тәһсил алан 15 јашлы суријалы Шејма 14 декабр тарихиндә мәктәбин туалетиндә вәһшиҹәсинә иргчи бир шаҝирдин һүҹумуна мәруз галыб.
Белә ки, туалетдә електрон сигарет чәкән иргчи гыз шаҝирд Шејмадан бајыра чыхмасыны истәјиб. Шејма онун јерсиз иддиасыны рәдд етдикдән сонра иргчи шаҝирд онун үзәринә һүҹум чәкәрәк "Дуа ет ки, сәнин дилини билмирәм, билсәјдим ән ағыр тәһгири едәрдим", - дејиб. Вә Шејманы јерә итәләјәрәк, јумругламаға башлајыб. Бу заман туалетдә олан шаҝирдләр һүҹумун бир гисмини чәкиб.
Даһа сонра исә Шејма бир даһа ејни иргчи тәрәфиндән һүҹума мәруз галараг хәстәханалыг олуб.
Гејд едәк ки, 15 јашлы һиҹаблы Шејма вә аиләси Суријадакы дахили мүһарибәдән гачараг, 2,5 ил өнҹә АБШ-ын Пенсилванија штатынын Питсбург шәһәринә јерләшиб.
Диггәт: Хәбәрдән истифадә етдикдә мәнбәјә истинад лазымдыр
