Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Иран Ислам Республикасы хариҹи ишләр назиринин бејнәлхалг мәсәләләр үзрә мүавини дејиб: Реҝион өлкәләри тәһлүкәсизлији сатын алмаг мәгсәди илә реҝиондан кәнар өлкәләр хүсусилә Америка илә ири тәһлүкәсизлик мүгавиләләри имзалајырлар.
Мәлумата ҝөрә, Гуламһүсејн Деһгани базар ертәси ҝүнү Теһранда кечирилән "Асијанын гәрбиндә сүлһ вә сабитлик; бир мәнтәгә, бир тале" адлы семинарда Асијанын гәрбиндә бөһран јарадан амилләрә ишарә едәрәк, дејиб: Өтән бир нечә илдә бәзи реҝион вә реҝиондан кәнар өлкәләр террорчулардан гејри-гануни мәнафеләрини тәмин етмәк үчүн истифадә едибләр. Бу да реҝионда ҝәрҝинлијин артмасына сәбәб олуб.
Деһгани Фәләстин мәсәләсини, Исраилин күтләви гырғын силаһларыны вә Әрәбистанын дүшмәнчилијә әсасланан сијасәтләрини реҝионун диҝәр проблемләриндән адландырыб.
Иранын хариҹи ишләр назиринин мүавини реҝион өлкәләринин рәгабәт јеринә бир-бириләри илә әмәкдашлыг етмәләрини истәјәрәк, дејиб: Иран реҝионда сабитлијин бәргәрар едилмәси үчүн мүзакирәләрә һазырдыр.
"Асијанын гәрбиндә сүлһ вә тәһлүкәсизлик; бир мәнтәгә, бир тале" адлы бир ҝүнлүк семинар бу ҝүн Теһранда кечирилиб.
Диггәт: Хәбәрдән истифадә етдикдә мәнбәјә истинад лазымдыр
