Бүтүн гурумлар ләғв едилсин

Әһлибейт (ә) Хәбәр Аҝентлийи:

Јахуд, Илһам Әлийев һәр йерә йетирсә…

Өлкәдә траҝикомик бир мәнзәрә йараныб. Ашыры тәриф, байағы мәддаһлыг, үрәкбуландыран тәблиғат, фантастик бәйантлар, ҝүлмәли вәдләр мейдан сулайыр. Һөкумәт командасынын гейри-сәмимилийи, ҝерчәкликдән узаг ачыгламалары сәрһәд танымыр. Мәсәлә бурасындадыр ки, һөкумәтин ҹәмиййәтә тәгдим етмәйә мәһсулу йохдур. Һеч бир саһәдә мүсбәт ҝөстәриҹиләр йохдур. Тәһсилдә, сәһиййәдә, һүгуг системиндә, игтисадиййатда вә диҝәр саһәләрдә өйүнүләси һеч нә галмайыб. Она ҝөрә дә һөкумәт “гарышгадан фил дүзәлтмәк” тактикасына старт вериб. Јәни, 25 милйардлыг бүдҹәнин 8-9 милйард сәвиййәсинә дүшмәсинә бахмайараг, помидордан, барамадан, фындыгдан ҝәлән 5-3 манаты уғур кими тәгдим едирләр. 121 милйардын ахырына чыханлар, 100-150 милйонлуг газанҹла бизә “уғурлу сийасәт” пртрети ҝөстәрмәйә чалышырлар. Тәбии ки, бу “тәгдиметмә мәрасими”ндә өлкә башчысы Илһам Әлийевин тәгдиматы хүсуси чәкийә малик олур вә һеч бир әндазә танымыр.
Белә ки, һәр ҝүн Илһам Әлийевин һанысыса саһәнин инкишафыйла бағлы сәрәнҹамлар имзаладығынын, фәрманлар вердийинин шаһиди олуруг. Демәк олар ки, инәйин бала вермәсиндән тутмуш, бадымҹанын чичәк ачмасына гәдәр бүтүн приосесләри Илһам Әлийев нүмунәсийлә әлагәләндирирләр. Бәләдиййәнин, иҹра һакимиййәтинин, тәһсил назирлийинин, ЖЕК-ин, полис идарәләринин, суварма системинин, парк салманын, йол чәкмәнин, һасар сөкмәнин, һамам тикмәнин “йол хәритәси”ни Илһам Әлийев чәкәҹәксә, бүтүн бу гурумларын фәалиййәти Илһам Әлийевин ағзына бахмагдан ибарәтдирсә, о заман бу гәдәр гурума нә еһтийаҹ вар? Илһам Әлийев гейри-ади истедада, буҝүнә гәдәр ҝөрүнмәмиш баҹарыға, универсал билийә, суперинтеллектә маликдирсә йүзләрлә гурум нийә фәалиййәт ҝөстәрир? Бүтүн нормал өлкәләрдә бәләдиййәнин, йерли иҹра органларынын ҝөрдүйү ишләри лһам Әлийев ҝөрүрсә, кәсмәли олдуғу ленти Илһам Әлийев кәсирсә бүдҹәдән бу гәдәр милйонлар нийә айрылыр?
Әслиндә, Илһам Әлийевә верилән тәрифин барытынын бу гәдәр чох олмасы, нәтиҹә етибарилә дөвләтин өзүнү ҝүлүнҹ вәзиййәтә салыр. Бу өлкәдә һамы баша дүшүр ки, бүтүн бу тәблиғатын көкүндә һәгигәт дайанмыр. Һамы һөкумәтин маһиййәтини баша дүшүр вә садәҹә икраһ һиссийлә йанашыр. Әҝәр өлкәнин витсе-спикери “бүтүн дүнйа бизим президентә пахыллыг едир” бәйанаты верирсә, рәсми тәблиғатын “Илһам Әлийев бүтүн дөвләт структурларыны әвәз едә биләр” месажы тәбиидир.
Бир даһа тәкрар едирик ки, Илһам Әлийев бу илаһи ҝүҹә саһибдирсә, о заман бүдҹәдән милйардлар айрылан гурумлар ләғв едилсин. Бизим “милли супермен”имиз варса, хырда-хурда структурлара еһтийаҹмыз йохдур.
Ја да, бу ҝүлмәли, ейни заманда ағламалы тәблиғата сон гойуб, нормал идарәчилик релсинә дүшмәк лаызмды. Илһам Әлийевлә бағлы бу фантастик тәблиғат, бүтүн дүнйада да ҝүлүшлә гаршыланыр. Реал ислаһатлардан имтина едиб, имитасийа илә мәшғул олмаг, өлкәни һәгигәтән дә ағламалы ҝүнә гойуб. Һамы ҝөрдү ки, бу йекә “инкишаф сәбәти”ндән, сәфаләт төкүлдү вә төкүлмәйә давам едир.

Акиф