Әһлибејт (ә) Хәбәр Аҝентлијинин вердији мәлумата ҝөрә - Ирагдакы Иранын дәстәкләдији Һашди Шааби-нин Мәтбуат катиби Әһмәд әл-Әсәди, пајтахт Бағдадда тәшкил етдији мәтбуат конфрансында бунлары сөјләди, "Һашди Шааби-јә бағлы бәзи груплар, 6 ил әрзиндә Суријада дөјүшәрәк, террорун Ирага јајылмасынын гаршысыны алмагда әһәмијјәтли бир аддым атыб. " .
Һашди Шааби-нин Суријада тәхминән 6 илә јахын фәалијјәт ҝөстәрдијини билдирән Әсәди, "Әҝәр бизә бағлы бу ҝүҹләр олмасајды Сурија режими, ИШИД-ын әлинә кечә биләр вә Јахын Шәрг хәритәси дәјишәбиләрди." дејә билдириб.
"ҺАШДИ ШААБИ Телафер әмәлијјатына гатылаҹаг"
Террор тәшкилаты олан ИШИД-ын әлиндә олан Түркмән шәһәри сајылан Телафер-ин гуртарылмасы әмәлијјатына Һашди Шааби бирликләринин дә гатылаҹағыны дилә ҝәтирән Әсәди, "Һашди Шааби-јә аид групларын 90 фаизи Телафер әмәлијјатына гатылаҹаг." дејә вурғулајыб.
Әсәди Телафер әмәлијјатынын гыса бир мүддәт әрзиндә башлајаҹағыны дејиб.
Иран дәстәкләдији Һашди Шааби-нин рәһбәрлији алтында олан "Бәдр гүввәләри, Кетаиб Һизбуллаһ, Асаиб Әһлулһак, Кетаиб Имам Әли, Кетаиб Сејјиду'ш Шүһәда, Серајаје Хорасани, Енсар-ул Мерҹеијје Бригадалары, Әли Әкбәр Бригадалары, Фиргәт-ул Аббас әл-Киталијје, Сераја Ашура, Сераја Әнсар әл Әгидә, Сераја әл-Ҹиһад, Фәјләгу-л Каррар, Әл Мунтәзәр Бригадалары "кими груплар вар.
Диггәт! Хәбәрдән истифадә етдикдә мәнбәјә истинад лазымдыр
