Әһлибејт (ә) Хәбәр Аҝентлији абна- Буҝүнләрдә мүхтәлиф ҹәзачәкмә мүәссисәләринә көчүрүлән Нардаран мәһбусларындан 2000 манат пул тәләб олунур. Онлара билдирилиб ки, тәләб олунан мәбләғи чатдырмасалар, Гобустандакы гапалы һәбсханаја ҝөндәриләҹәкләр. Бу шантаж конкрет олараг, бир нечә ҝүн әввәл 7 сајлы ҹәзачәкмә мүәссисәсинә ҝәтирилмиш Нардаран мәһбусларына гаршы баш вериб. Пулун чатдырылмасы үчүн августун 10-на гәдәр вахт верилиб.
Нардаран мәһбуслары ҹәзачәкмә мүәссисәләринә көчүрүлән кими ишҝәнҹәјә мәруз галыб, ардынҹа да бирбаша ҹәримә камерасына (“карс”) апарылыб. Һәтта бәдәниндә ики ҝүллә ҝәздирән вә әл ағаҹларынын көмәји илә һәрәкәт едән Шамил Абдуләлијеви дә 15 сајлы ҹәзачәкмә мүәссисәсиндә дөјүбләр. Һәмчинин бәллидир ки, 7 сајлы ҹәзачәкмә мүәссисәсиндә Әлибала Вәлијев вә Агил Исмајылова гаршы да физики ҝүҹ тәтбиг олунуб.
Гејд едәк ки, Нардаран мәһбусларындан Мүсәлман Бирлији Һәрәкатынын сәдри, илаһијјатчы Талеһ Бағырзадә, Аббас Һүсејнов вә Ҹаббар Ҹаббаров онлара верилән ҹәзанын 7 илини Гобустандакы гапалы һәбсханада чәкмәлидир. Онлар һәбсханаја көчүрүлән кими орада “карс”а салыныб.
Нардаран мәһбусларына гаршы “јухарыдан” ҝәлән сифариш әсасында бу ҹүр давранылдығы билдирилир.
Хатырладаг ки, адлары чәкилән шәхсләр дә дахил олмагла, 18 нәфәр 2015-ҹи ил нојабрын 26-да Нардаранда 6 нәфәрин өлүмүнә сәбәб олмуш ганлы полис әмәлијјаты нәтиҹәсиндә һәбс олунуб. Онлардан јалныз Фуад Гәһрәманлы “фаҹебоок” статусларында Нардаран һадисәләрилә бағлы ҝерчәкләри ачыгладығына, Талеһ Бағырзадә дә дахил, һәбс олунан шәхсләрдә силаһ олмамасы, онларын һеч бир ҹинајәт төрәтмәмәси һагда јаздығы фикирләрә ҝөрә мәсулијјәтә ҹәлб олунуб. Сонрадан онун иши дә Талеһ Бағырзадә вә диҝәрләри һаггында ҹинајәт ишинә бирләшдирилиб вә онлар бирликдә мүһакимә олунуб.
Нардаран мәһбусларындан Талеһ Бағырзадә вә Аббас Һүсејнов 20, Ҹаббар Ҹаббаров 19, Расим Ҹәбрајылов 17, Фуад Гәһрәманлы вә Рамин Јарыјев 10, галанлары да 14 ил 6 ај азадлыгдан мәһрум едилиб.
Ијулун 20-дә Бакы Апеллјасија Мәһкәмәси Бакы Ағыр Ҹинајәтләр Мәһкәмәсинин һөкмүнү гүввәдә сахлајыб.
Диггәт! Хәбәрдән истифадә етдикдә мәнбәјә истинад лаызмдыр
