ӘһлиБејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Иран Ислам Республикасынын Тәһлүкәсизлик Назирлији – ЕТТЕЛААТ вердији јени бәјанатында билдириб: “Өлкәнин мүхтәлиф бөлҝәләриндә апарылан әмәлијјатлар нәтиҹәсиндә 41 вәһһаби террорчусу һәбс едилиб.”
Бәјанатда һәмчинин дејилир: “Тәһлүкәсизлик ишләри үзрә апарылан силсиләвари мүрәккәб әмәлијјатлар нәтиҹәсиндә вә һабелә көнүллү сүрәтдә Тәһүлкәсизлик Гүввәләри илә әмәкдашлыг едән, Ислам Һакимијјәтинә севҝи бәсләјән аиләләрин јардымы сајәсиндә Керманшаһ, Күрдүстан, Гәрби Азәрбајҹан рајонлары вә пајтахт Теһранда аператив террор әмәлијјатлары һәјата кечирмәјә һазыр олан бир нечә вәһһаби групунун 41 үзвү јахаланараг әлә кечиб. Әмәлијјат заманы груплар арасында әлагәләрин јарадыҹыллары, мүхтәлиф сәнәдләр вә террор әмәлијјатлары үчүн һазырланан ҹиһазлар зәбт едиләрәк мүсадирә едилиб.”
Иран Ислам Республикасынын Тәһлүкәсизлик Назирлији – ЕТТЕЛААТ һәмчинин билдириб: “Тәһлүкәсизлик Назирлији өз нөвбәсиндә вәтәндашларымызын диггәтли вә ајыг олмагларына ҝөрә, вахтында һәрәкәт едиб аиләләрин милли тәһлүкәсизлик мәсәләсиндә маарифләндирдикләри үчүн сәмими гәлбдән тәшәккүр етдијини билдирир.”
Диггәт: Хәбәрдән истифадә етдикдә мәнбәјә истинад лазымдыр
