Әһли Бејт (әлејһимус-сәлам) - АБНА – Хәбәр Аҝентлији- Азәрбајҹан Ислам Партијасынын лидери Мөвсүм Сәмәдовун һәбс едилмәмишдән өнҹә кечдији әхлаг дәрсләринин III һиссәсини охуҹуларымыза тәгдим етмишдик.
Хатырладаг ки, һазырда 12 иллик һәбс ҹәзасына мәһкум едилән АИП лидери Мөвсүм Сәмәдов иҹтимаи-сијаси хадим олмагла јанашы, ејни заманда руһани алим вә бөјүк әхлаг устадыдыр. О, һәбс олундуғу мүддәтә гәдәр тәләбәләри илә бирҝә мүтәмади шәкилдә әхлаг дәрсләри тәшкил едәрди. Доктор Сәмәдов һәмин дәрсләрдә али илаһи маарифин һәгигәтләрини инсанлара чох ҝөзәл формада изаһ едәрди. Дәрсләр һәтта о гәдәр илаһи нур вә фејзлә әһатә олунурду ки, дәрс иштиракчылары дәрсин саатларла давам етмәсини истәјирди.
ИсламинСеси һазырда карсда сахланылан бөјүк әхлаг устады Мөвсүм Сәмәдовун дәрсләриндән 4-ҹи һиссәни охуҹуларына тәгдим едир.
Тәһсил, савад һәр кәсин әхлагынын бәзәјидир. Јәни һәр һансы бир инсанын тәһсилли олмасы онун әхлаги кејфијјәти үчүн васитәдир. Мисал үчүн, мүмкүндүр ки, бир инсан өмрү боју елмлә мәшғул олсун, амма әхлаги дәјәрләрә саһиб олмасын. Инсанын әхлаги кејфијјәтләрә малик олмасы үчүн гәфләтдән ојанмасы мүһүм шәртдир.
Шејтан даим чалышыр ки, инсан өз инсани кејфијјәтләрини әлдән версин. Шејтан даим бу истигамәтдә фәалијјәт ҝөсдәрир. Әҝәр инсан шејтанын бу кими фәалијјәтләриндән аманда галмаг истәјирсә, ҝәрәк тәдбирини әлдән вермәсин, тәфәккүр етсин вә узагҝөрән олсун. Мәһз бундан сонра әмәлин бәһрәсини ҝөрмәк мүмкүндүр. Һәтта мадди ҹәһәтдән белә, инсан нәјәсә наил олмаг истәјирсә, ҝәрәк узагҝөрәнлији әлдән вермәсин.
Илаһи шәхсијјәтләр бујурублар ки, габагҹадан дүшүнмәк инсаны сонракы пешманчылыгдан хилас едәр. Бу, ҹәһәтдән беләдир. Истәр дост сечәндә, истәрсә дә иш гуранда. Әҝәр инсан чәтинликлә үзләшсә вә ја бәлаја дүчар олдуғуну ҝөрсә, билсин ки, бу, ишләрин сонуна диггәт етмәмәјин нәтиҹәсидир. Инсан ҝәрәк һеч вахт тәләсмәсин.
Диггәт: Хәбәрдән истифадә етдикдә мәнбәјә истинад лазымдыр
