Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Румунијада ара гарышды. Тәкҹә пајтахт Бухарестдә һөкүмәт бинасы гаршысында 100 миндән артыг инсан топлашаыб. Дөвләт бинасыны мүһасирәјә алмыш Руминија жандармы илә етиразчылар арасында силаһлы инсидент баш вериб. Белә ки, етиразчылар жандармлара түстүлү бомбалар вә фишәнҝләр атыблар. Жандармлар да етиразчылара гаршы зәһәрли ҝөзјашардыҹы газлардан, резин дәјәнәкләрдән истифадә едибләр. Јүзләрлә инсан мүхтәлиф дәрәҹәли бәдән хәсарәтләри алыб. Жандармларын вәһшилијини ҝөрән етиразчылардан бир гисми жандарм кордонун јармаға чалышсалар да лакин буна наил ола билмәмишләр.
Етираз далғалары ејни заманда Румунијанын мүхтәлиф шәһәрләриндә о ҹүмләдән Клуж-Напоке, Галаче, Јассах, Сибиу, Тимишоаре, Бакеу вә с. шәһәрләриндә баш вериб.
Румунијанын јерли хәбәр порталы олан “диҝи24.ро” Румунијанын мүхтәлиф шәһәрләриндә етираз едән күтләнин сајыны 200 мин нәфәрә јахын олдуғуну гејд едиб.
Гејд едәк ки, Румунија сакинләри игтидарда олан Иҹтимаи Демократ Партијансынын Ҹинајәт Мәҹәлләсиндә етдији дәјишикликләрә, еләҹә дә амнистија һаггында гәрар гәбул етмәк нијјәтләринә гаршы чыхыблар. Өлкә сакинләри горхурлар ки, апарылан јени дәјишиликләр нәтиҹәсиндә әхлагсыз вә рүшвәтхор сијасәтчиләр, тәһлүкәли ҹинајәткарлар азадлыға чыхаҹаглар.
Диггәт: Хәбәрдән истифадә етдикдә мәнбәјә истинад лазымдыр
