Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Иран Ислам Республикасынын Хариҹи Ишләр Назири Мәһәммәд Ҹавад Зәриф Франсадан Теһрана ҝәлән һәмкары Жан-Марк Ејро илә бирликдә мәтбуат конфрансы кечириб.
Жан-Марк Ејро Теһрана сәфәринин сәбәбини нүвә разылашмасынын мүдафиәчиси олдугларыны ҝөстәрмәк үчүн реаллашдығыны гејд едиб.
Иран Ислам Республикасынын Хариҹи Ишләр Назири исә, АБШ-ы дүнја иҹтимаијјәтиндә јени ҝәрҝинлик јаратмагда иттиһам едиб.
Ҹәнаб Назири Мәһәммәд Ҹавад Зәриф вурғулајыб: “Үмид едирик ки, АБШ-ын јени рәһбәрлији Иран Ислам Республикасынын нүвә програмыны бәһанә едәрәк јени ҝәрҝинлик јаратмаз.”
Даһа сонра ҹәнаб Муһәммәд Ҹавад Зәриф билдириб ки, рәсми Теһран АБШ Президенти Доналд Трампын 7 өлкә вәтәндашларына о ҹүмләдән Иран Ислам Республикасы вәтәндашларына өлкәјә ҝириш гадағасы сәрәнҹамә вермәсинә ҹаваб олараг виза верилмәсини дајандыраҹаг.
Иран Ислам Республикасынын Хариҹи Ишләр Назири бу гајдада истисна һалларынын олаҹағыныда вурғулајыб: “Әҝәр истисналар олса бу һаллар Хариҹи Ишләр Назирлијиндә бахылаҹаг вә даһа сонра гәрар гәбул едиләҹәк.”
Хатырладаг ки, өтән һәфтә АБШ-ын јени Президенти Доналд Трамп гачгынларын өлкәјә ҝиришини 120 ҝүн мәһдудлашдырыб. Бунда әлавә, Ираг, Иран, Сурија, Судан, Ливија вә Сомали вәтәндашларына 90 ҝүн АБШ әразисинә ҝирмәк гадағасы тәтбиг едиб.
Диггәт: Хәбәрдән истифадә етдикдә мәнбәјә истинад лазымдыр
