Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, һазырда Бакы Ағыр Ҹинајәтләр Мәһкәмәсиндә мүһакимә олунан “Нардаран иши”нин әсас сималарындан бири - Тале Бағырзадә Мејдан ТВ-нин суалларыны ҹавабландырыб.
Дөвләт иттиһамчысы тәгсирләндирилән шәхсләрә иш истәдикдән сонра Мејдан ТВ Талеһ Бағырзадәјә ҝүндәми тутмуш мөвзуларла бағлы суаллар ҝөндәрмишди.
- Талеһ бәј, прокурорун сизә өмүрлүк һәбс ҹәзасы истәјәҹәјини ҝөзләјирдиз?
- Мәним үчүн ҝөзләнилмәз дејилди. Өзүмү әввәлҹәдән һакимијјәтин мәнә гаршы ән ағыр ҹәза верәҹәјинә һазырламышдым. Чүнки һакимијјәт халгы ҝүҹ структурлары васитәсилә горху алтында идарә етдијинә ҝөрә вә халгын ишиндән һакимијјәтин бу горху басгына гаршы ҹәсарәтлә мүбаризә апаранлары өзүнүн ән бөјүк дүшмәни һесаб едир. Вә бу заман һакимијјәт мүбариз инсанлара гаршы гејри-инсани, амансыз вә гәддар аддымлар атыр. Бизә истәнилән өмүрлүк ҹәзалар да ејни мәгсәд ҝүдүр. Амма Азәрбајҹан һакимијјәти билмәлидир ки, верәҹәји өмүрлүк һәбс ҹәзасы азадлыг вә демократија уғрунда мүбаризәмиздән бизи дөндәрмәјәҹәк.
- Азәрбајҹанын сијаси тарихиндә бу ҹүр һөкмләр олуб вә һаггында өмүрлүк гәрар чыхарыланлардан азадлыгда оланлар да вар. Өз талејиниз барәдә нә дүшүнүрсүнүз?
- Бизим јашам фәлсәфәмиздә зүлмлә идарә олунан ҹәмијјәт бөјүк зиндан, һәбсхана исә кичик зиндандыр. Нә гәдәр ки, Азәрбајҹан бөјүк зиндана чеврилиб, мүбариз инсанлар үчүн кичик зинданда һансы ҹәза илә ҹәзаландырылманын һеч бир фәрги јохдур. Бизим үчүн өнәмли олан кичик зинданда һансы ҹәза алмағымыз өнәмли дејил, әсас халгымызын бөјүк зиндандан азадлығы үчүн чалышмагдыр. Бу јолда бизә өмүрлүк ҹәза ән бөјүк һәдијјә һесаб олунур. Һәм дә өмүрлүк һәбсдә галаҹағымы дүшүнмүрәм, мәним һәбсимин мүддәти бу һакимијјәтин өмрү гәдәрдир. Чүнки һүгуги олараг һеч бир ҹинајәт төрәтмәдијимиз һәр кәсә бәллидир.
- 6 ајда кечирилән мәһкәмә просесләри јаддашынызда һансы һиссләр бурахды? Сизин мәһкәмәниздә ачылмајан мәгамлар олдуму?
- Әслиндә, буна мәһкәмә демәк һәгиги, әдаләтли мәһкәмәләрә һөрмәтсизликдир. Бу мәһкәмә садәҹә “һүгуг” адына гурулмуш сифаришли, гәрәзли, әдаләтсиз ојун иди. Просес заманы мүлки инсанларын вә ики нәфәр полисин һүҹум едән полисләр тәрәфдән өлдүрүлдүјү сүбут едилди. Лакин мәһз конкрет һансы гулдур полисләр тәрәфиндән өлдүрүлмәсини полисләр ҝизли сахлады.
- Нөвбәти илин сосиал-сијаси бахымдан ағыр олаҹағыны һәм рәсми, һәм дә мүстәгил експертләр вурғулајырлар. Дурум һәбсханадан неҹә ҝөрүнүр?
- Һәбсханалар ҹәмијјәтлә һармонијада олдуғу үчүн баш верәнләр һәбсханаја да јансыјыр.
- АХҸП-чи ҝәнҹ мәһбус Елвин Абдуллајевин мәктубу барәдә нә дејә биләрсиниз?
- Әввәла, буну Елвин Абдуллајевин јаздығына инанмырам. Һәмин мәтн АТВ вә Хәзәр ТВ-нин барәмиздә јаздығы бөһтан вә һәгарәтләрин мәтнилә ејнилик тәшкил едир. Бу, Азәрбајҹан һакимијјәтинин гурдуғу бир пландыр вә бу мәтнин Елвин Абдуллајевин адындан јајылмасына ҝөрә ону гынамырам вә анлајырам. Азадлыг һәр кәсин һаггыдыр, лакин бу азадлығы вермәк үчүн һакимијјәт белә чиркин үсуллара әл атрыр. Просесләр ону ҝөстәрди ки, ҹәмијјәт вә АХҸП даим һүгуглары позулан бизләрин јанында олду. Бу јазынын јазылмасы вә АХҸП фәалынын адындан тәгдим едилмәси мәкрли мәгсәдә хидмәт едир.
- Бир мүддәт әввәл Иран президенти Руһани Ермәнистана сәфәр етди вә “Ермәнистан вә Иран ејни мәдәнијјәтә мәхсусдур” дејә билдирди. Ачыглама сосиал шәбәкәләрдә ҹидди мүзакирә предметинә чеврилди вә сизин дә адыныз һалланды. Руһанининбуфикрининеҹәгијмәтләндирирсиниз?
- Өнҹә ону гејд едим ки, бизим үчүн Азәрбајҹан халгынын вә дөвләтинин мәнафеји бүтүн марагларын фөвгүндәдир. Вә һесаб едирик ки, Һәсән Руһанинин Ермынистана олан сәфәри Азәрбајҹан халгынын вә дөвләтинин бирмәналы олараг марагларына ујғун олмадығына ҝөрә мән азәрбајҹанлы олараг бу сәфәри писләјирәм. Һесаб едирәм ки, Нетанјаһу илә Саркисјанын һеч бир фәрги јохдур. Һәр икисинин әли көрпә ушагларын ганына батыб.
Диггәт: Хәбәрдән истифадә етдикдә мәнбәјә истинад лазымдыр
