Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Азәрбајҹан Ислам Партијасы гурумун лидери Доктор Мөвсүм Сәмәдовун карсерә салынмасы илә әлагәдар Азәрбајҹан Республикасы Әдлијјә Назирлији Пенитенсиар Хидмәтин рәиси Ҹејһун Һәсәнова рәсми мүраҹиәт едиб.
Мүраҹиәтдә дејилир:
Артыг һәр бир Азәрбајҹан вәтәндашына да бәллидир ки, өлкәдә мөвҹуд һәбсханаларын демәк олар ки, әксәр һиссәсиндә мәһбусларын һүгуглары позулмагда давам едир. О ҹүмләдән Азәрбајҹан Ислам Партијасынын сәдри Һаҹы Мөвсүм Сәмәдовун алты илдир ки, мәһбус һәјаты јашадығы һәбсхана диварлары арасында белә һүгуглары кобудҹасына позулур.
Доктор Мөвсүм Сәмәдов сијаси чыхышларына, һакимијјәтдә баш верән ганунсузлуглара вә өзбашыналыглара гаршы кәскин етиразларына ҝөрә сахтакарҹасына иттиһам олунмасыны бејнәлхалг һүгуг тәшкилатлары белә әдаләтсизлик вә гәрәз һесаб едир. Онун 11 сајлы ҹәзачәкмә мүәссисәсиндән 12 сајлыја вә даһа сонра Гобустан гапалы типл тәҹридханаја көчүрүлмәсинин сәбәбләри индијә кими бизим үчүн вә үмумән Мөвсүм Сәмәдовун вәкилләри, јахын адамлары үчүн мүәммалы, анлашылмаз фактор кими галмышдыр.
Доктор Мөвсүм Сәмәдову таныјанлар билирләр ки, о, ганунчулуға, конститусијамызын вәтәндашлара вердији һүгуг вә азадлыглара һөрмәтлә јанашыр. Мәһз бу кејфијјәтләринә, халгына, Вәтәнинә һәдсиз мәһәббәтинә, торпагларымызын мүгәддәслијини һәр сөзүндә-сөһбәтиндә дилә ҝәтирдијинә ҝөрә халгынын ләјагәтли оғлу кими севилир. Белә бир инсана гаршы төрәдилән гәрәзин нәдән доғдуғу бәлли дејил.
Биз Доктор Һаҹы Мөвсүм Сәмәдову ади инсани һүгугларынын мүтәмади позулмасына гаршы гәти етиразымызы билдирмәклә, баш верән негативликләрин, әдаләтсизликләрин сәбәбләринә ајдынлыг ҝәтирилмәсини өлкәдә әдаләт символу кими ҝөстәрилән Әдлијјә Назирлији вә онун Пенитенсиар Хидмәтинин рәһбәрлијиндән тәләб едирик.
Пенитенсиар Хидмәтин 12 сајлы Ҹәзачәкмә мүәссисәсинин рәһбәрлијинин нәзәринә чатдырмаг истәјирик ки, Доктор Һаҹы Мөвсүм Сәмәдова гаршы төрәдилән һагсызлыг нәтиҹәсиндә онун сәһһәтиндә баш верә биләҹәк һәр һансы тәһлүкә зәмининдә һүгуги вә мәнәви мәсулијјәт дашымалыдыр вә дашыјыр.
Азәрбајҹан Ислам Партијасы
Диггәт: Хәбәрдән истифадә етдикдә мәнбәјә истинад лазымдыр
