Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Әфганыстанын пајтахты Кабул шәһәриндә јерләшән Багирул Улум Мәсҹидиндә Шиәләрин Имам Һүсејн (әлејһи сәлам) вә Онун сәһабәләринә һәср едилмиш Әрбәин мәрасими заманы тәкфирчи сәләфиләр тәрәфиндән төрәдилән террор акты заманы онларла ҝүнаһсыз Шиә шәһид олмуш вә мүхтәлиф дәрәҹәли бәдән хәсарәтләри алараг јараланмышдыр.
Үмүмдүнја Әһли Бејт (ә) Ассамблејасы бу мүнасибәтлә бәјанат јајымлајараг гејд олунан террор актыны мәһкум етмәклә јанашы Әфганыстан дөвләтиндән вә бу өлкәнин адијатлы органлардан һадисә илә даһа ҹидди марагланмаларыны, гејри-бәшәри ҹинајәти төрәдәнләрин әсас сәбәбкарларыны тапараг лајигли ҹәзаларына чатдырылмаларыны истәјиб.
Бәјанатын бир һиссәсиндә белә дејилиб: “Шүбһәсиз бу өлкәдә јашајан Сүнни вә Шиә гардашлар һәмишә олдуғу кими бундан сонра да, даһа ҹиддијјәтлә Ислами гардашлыг принсибләринин мөһкәмләнмәсинә сәј ҝөстәрәҹәкләр...”
Хатырладаг ки, ҹари илин Нојабр ајынын 20-си Әрбәин ҝүнү Кабул шәһәриндә јерләшән вә Шиә мәзһәбинин ардыҹыллары тәрәфиндән идарә олунан Багирул Улум Мәсҹдиндә кечирилән Әрбәин мәрасими заманы тәкфирчи сәләфи үнсүрү Мәсҹидә дахил олараг өзүнү партлатмыш вә онларла ҝүнаһсыз Шиәнин Шәһид олмасына вә јараланмасына сәбәб олмушдур.
Диггәт: Хәбәрдән истифадә етдикдә мәнбәјә истинад лазымдыр
