Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Полис Сабунчу рајону Нардаран гәсәбәсиндә нөвбәти әмәлијјат-ахтарыш тәдбири һәјата кечирилиб.
Мәлумата ҝөрә, Сабунчу Рајон Полис Идарәсинин 42-ҹи Полис Бөлмәси әмәкдашларынын кечирдикләри әмәлијјат-ахтарыш тәдбири нәтиҹәсиндә әввәлләр мәһкум едилмиш Нардаран гәсәбә сакини Орхан Гасымов шүбһәли шәхс гисминдә сахланылыб. Әнәнәви олараг “бөлмәдә” һал шаһидләринин иштиракы илә онун үзәринә бахыш кечирилән заман үмуми чәкиси 0.810 грам һероин ашкар едиләрәк ҝөтүрүлүб.
О.Гасымовун әтрафында әлавә олараг кечирилән әмәлијјат-ахтарыш тәдбирләри нәтиҹәсиндә онун Нардаран гәсәбәси, Абшерон күчәсиндә һасарын дибиндә “ҝизләтдији” 23 әдәд хараб гумбара алышганы, 3 әдәд “Макаров” типли тапанчаја мәхсус чүрүк ҝүллә, 2 әдәд кејфијјәәтдән дүшмүш гумбара запалы, 2 әдәд пасланмыш бычаг, 16 әдәд алышдырыҹысы вә 8 әдәд фитил ашкар едиләрәк ҝөтүрүлүб. “Фактларла” бағлы Сабунчу РПИ-нин Истинтаг Шөбәсиндә ҹинајәт иши башланыб, арашдырмалар давам етдирилир.
Гејд едәк ки, полис тәрәфиндән “ашкарланан” силаһ-сүрсат аваданлыгларынын бүтөвлүкдә хараб вә кејфијјәтдән дүшмүш олдуғу шәкилләрдән дә ајдын ҝөрүкүр.
Диггәт: Хәбәрдән истифадә етдикдә мәнбәјә истинад лазымдыр
