Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, АБШ-да 8 декабр президент сечкиләри әрәфәсиндә намизәд Һиллари Клинтонун сағ голу һесаб едилән Һума Абединин бошанма гәрары алмасы, онун әри Вајнерин секс јазышмалары илә әлагәдар истинтагын Клинтона гәдәр узанмасы "Демократлар"ын намизәдинин сәс иткиси илә нәтиҹәләниб.
Мәлумата ҝөрә, кечирилән сон сорғуда АБШ сечиҹиләринин артыг 34 %-и Клинтонун леһинә сәс вермә мәсәләсиндә тәрәддүдлү галыблар. Диҝәр тәрәфдән, АБШ Әдлијјә Назирлији Вајнерин компүтериндәки 650 електрон мәктубун ФТБ тәрәфиндән инҹәләнмәсинә иҹазә вериб.
ФТБ-нин директору Ҹејмс Комеј ҹүмә ҝүнү АБШ Конгресинә мәктуб ҝөндәрәрәк Клинтонун електрон мәктуб скандалына аид јени мәлуматлар әлдә етдикләрини вә бу сәбәбдән јени истинтага старт вериләҹәјини билдириб. Бу мәктубдан сонра сечки мүбаһисәләриндә електрон мәкуб скандалы ҝүндәмә бомба кими дүшүб.
Мәсләһәтчинин әри истинтагда ифадә верәҹәк
Әдаләт Назирлијиндән верилән иҹазәјә әсасән, ФТБ Клинтонун ән јахын мәсләһәтчиләриндән сајылан Һума Абединин әри, Конгрес үзҹү Ентони Вајнерә аид бир компүтердә тапылан 650 електрон мәктубу бир-бир инҹәләјәҹәк. Бу мәктубларын әксәријјәти Клинтон вә Абедин арасында баш тутан јазышмалардыр. ФТБ бу мәктублары јени мәлумат кими дәјәрләндириб, истинтагы јенидән башламаг гәрарына ҝәлиб.
Абедин вә Вајнерә аид електроник ҹиһазлар, ФТБ-нин Вајнерин Шимали Каролинада јашајан 15 јашлы гыза интим мәзмунлу електрон мәктублар ҝөндәрдији иддиасындан сонра башлајан истинтаг заманы әлә кечирилиб. Бу јазышмаларда дөвләтә аид ҝизли бир мәлуматын олуб-олмадығы јохланылаҹаг. ФТБ рәсмиләри истинтагын мүддәти барәдә һеч бир мәлумат вермәјиб.
Әлә кечән електрон мәктубларын бир һиссәсинин Клинтона аид олдуғу, бу мәктубларын да сечки әрәфәсиндә ваҹиб әһәмијјәтә малик ола биләҹәји билдирилир.
Демократлар мәсәләјә реаксија вериб
Диҝәр тәрәфдән Америка мәтбуатында ҝедән хәбәрләрә ҝөрә, ФТБ директору Комејин октјабр ајынын орталарында јени електрон мәктублардан хәбәрдар олдуғу билдирилсә дә, ҹүмә ҝүнүнә гәдәр һеч бир ачыглама вермәдији иддиа едилди. Бу иддиа сечкиләрә чох аз вахт галдығы бир мүддәтдә ФТБ дирекорунун ачыглама вермәси сечки нәтиҹәләринә тәсир етмәк иттиһамларыны да ортаја чыхарды.
Ханым Һиллари исә бу аддымын доғру олмадығыны, Комејин әлиндә олан мәлуматлары ән гыса мүддәт әрзиндә ачыгламаг мәҹбуријјәтиндә олдуғуну билдириб. Клинтонун рәгиби Трамп исә ФТБ-нин истинтага јенидән башламагда ҝеҹикдијини билдириб.
Сон анкетләр
АБШ-да Washington Post-ABC News тәрәфиндән һәјата кечирилән анкет сорғуларына ҝөрә, Клинтонун сағ голу Һума Абединин електрон мәктуб истинтагы "Демократлар"ын намизәди үчүн сәс иткиси илә нәтиҹәләнәҹәк.
Диггәт: Хәбәрдән истифадә етдикдә мәнбәјә истинад лазымдыр
