Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Сентјабрын 23-дә Бакы Ағыр Ҹинајәтләр Мәһкәмәсиндә "Мүсәлман Бирлији" Һәрәкатынын һәбсдә олан сәдри Талеһ Бағырзадә, АХҸП сәдринин мүавини Фуад Гәһрәманлы вә диҝәрләринин мәһкәмә просеси кечирилиб.
Иҹласда вәкил Јалчын Иманов Аббас Һүсејновун просесдә иштиракынын тәмин олунмасы барәдә вәсатәт вериб. Вәкил билдириб ки, әкс һалда шаһидләрин диндирилмәсиндә иштирак етмәјәҹәкләр. Диҝәр вәкилләр вә тәгсирләндириләнләр вәсатәти мүдафиә едибләр. Прокурор Нәсиб Бајрамов исә билдириб ки, тәгсирләндирилән шәхсләр мәһкәмәнин хәбәрдарлығына мәһәл гојмурлар. Прокурор билдириб ки, вәкилләрин вәсатәти сүрүндүрмәчилијә хидмәт едир. Мәһкәмә вәсатәти тәмин етмәјиб.
Талеһ Бағырзадә исә һаким Әлөвсәт Аббасовдан сорушуб: "26 сентјабр референдумдан сонра Илһам Әлијев шаһ, јохса крал олаҹаг?" Һаким суала ҹаваб вермәјиб. Даһа сонра тәгсирләндирилән шәхсләр "Истефа", "Азадлыг" шүарлары сәсләндирибләр.
Вәкилләр мүдафиә етдикләри шәхсләрлә мәсләһәтләшибләр. Онлар вәкилләрдән тәләб едибләр ки, Аббас Һүсејновун иштиракы тәмин олунмаса шаһидләрин диндирилмәсиндә вәкилләр иштирак етмәсин.
Һаким просеси сентјабрын 28-нә тәхирә салыб вә вәкилләр һаггында Вәкилләр Коллеҝијасына шикајәт едәҹәјини дејиб.
Диггәт: Хәбәрдән истифадә етдикдә мәнбәјә истинад лазымдыр
