Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,Азәрбаjҹан ҝүҹләндикҹә бизә тәзjигләр дә артыр. Бизим мүстәгил сиjасәтимиз һеч дә һамыjа хош ҝәлмир.
Белә олан һалда бизә гаршы тәзjигләр артыр, тәзjиг механизмләри ишә салыныр”. АПА-нын хәбәринә ҝөрә, буну 20 март Новруз шәнлиjи мүнасибәтилә иҹтимаиjjәт гаршысында чыхыш едән Азәрбаjҹан Республикасы президенти Илһам Әлиjев деjиб.
Президент билдириб ки, бу ҝүн бәзи хариҹи даирәләр Азәрбаjҹана гаршы ачыг кампаниjа апарырлар: ”Биз буна һазырыг. Бу кампаниjа әслиндә һеч вахт даjанмаjыб. Садәҹә олараг, өнәмли беjнәлхалг тәдбирләр әрәфәсиндә бу кампаниjа даһа да еjбәҹәр форма алыр. Биз буну үч ил бундан әввәл – 2012-ҹи илдә “Еуровисион” мүсабигәси әрәфәсиндә ҝөрмүшүк. Бу ҝүн дә биринҹи Авропа Оjунлары әрәфәсиндә буну ҝөрүрүк”.
Өлкә башчысы геjд едиб ки, бу, координасиjа олунмуш шәкилдә тәшкил едилмиш, бир вә jа бир нечә мәркәздән идарә олунан антиазәрбаjҹан кампаниjасыдыр: “Бунун мәгсәди өлкәмизи ләкәләмәк, гараламаг, ишләримизә көлҝә салмаг вә Азәрбаjҹаны ҝеридә галмыш, геjри-демократик, азад олмаjан өлкә кими тәгдим етмәкдир.
Президент Әлиjев геjд едиб: "Әфсуслар олсун ки, бу ҝүн дүнjа сиjасәтиндә беjнәлхалг һүгуг jох, риjакарлыг, икили стандартлар, аjры-сечкилик, иргчилик, исламофобиjа, ксенофобиjа һөкм сүрүр. Будур буҝүнкү реаллыглар. Она ҝөрә, биз буна һазыр олмалыjыг вә һазырыг".
Илһам Әлиjев сөзләрини белы баша вуруб: "Әлбәттә, Азәрбаjҹан бөjүк дөвләт деjил, амма бизим дә кифаjәт гәдәр ҝүҹүмүз вар ки, өз сөзүмүзү деjәк, бөлҝәдә вә гитәдә ҝедән просесләрә тәсир едәк".
Диггәт: Хәбәрдән истифадә етдикдә мәнбәjә истинад лазымдыр
