Бәшшар Әсәд АБШ дөвләт катибинин ачыгламасына мәнтигли реаксиjа верди

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Бәшшар Әсәд АБШ дөвләт катибинин ачыгламасына мәнтигли реаксиjа верди
Суриjанын сиjаси вә һәрби мәсәләләри үзрә тәһлилчиси Бәшшар Әсәдин АБШ дөвләт катибинин сөзләринә реаксиjасыны мәнтигли адландырыб.
Сәһәр Беjнәлхалг Телевизиjасынын мәлуматына ҝөрә, Суриjанын сиjаси вә һәрби мәсәләләр үзрә тәһлилчиси Сәлим Һәрба ҹүмә ахшамы ҝүнү Фарс Информасиjа Аҝентлиjи илә мүсаһибәдә билдириб: Суриjа президенти Бәшшар Әсәдин Вашингтонун Дәмәшглә мүзакирәси барәсиндә АБШ дөвләт катиби Ҹон Керринин ачыгламасына ҹавабы өлчүлмүш вә jериндә иди.
Һәрба әлавә едиб: Әсәд өз ҹавабында бир даһа билдирди ки, Суриjа халгы бу өлкәдә мүтләг сөз саһибидир вә өз мүгәддәратыны тәjин едән тәрәф Суриjа халгыдыр.
Суриjалы тәһлилчинин фикринҹә, Америка "мүлаjим" силаһлы груплашмалары jаратдығы һалда Суриjа һөкумәти илә мүзакирәләр апармаг истәjир. Һалбуки бу мәсәлә Вашингтонун терроризм арасында фәрг гоjдуғуну вә терроризми jахшы вә писә аjырдығыны ҝөстәрир. Буна ҝөрә бу сөзләрә о гәдәр дә никбин олмаг олмаз.
"Керринин ачыгламасы Ағ Евин Суриjада һәрби мәғлубиjjәти вә бу өлкә һөкумәтинин ганунилиjини етираф етмәси мәнасындадыр. Лакин бу ҝеҹикмиш етираф Суриjада 4 ил дағынтылардан сонра едилди. Бу сөзләр Суриjада дағынтылары бәрпа едә билмәз" деjә Сәлим Һәрба билдириб.
Һәрба сонра билдириб: Керринин Суриjа барәсиндә ачыгламасы бу өлкә барәдә Американын сиjаси мөвгеjиндә өнәмли дәjишиклиjи ҝөстәрир. Лакин бу, Вашингтонун реҝиондакы стратеҝиjасынын дәjишилмәси мәнасында деjил вә Вашингтон һәлә дә өз әвәзедиҹи мүһарибәсини давам етдирир.
Һәрбанын сөзләринә ҝөрә, Америка һөкумәти өз сөзләриндә садигдирсә, өз мүттәфигләрини БМТ вә Тәһлүкәсизлик Шурасынын гәтнамәләрини иҹраjа мәҹбур етмәлидир.
Диггәт: Хәбәрдән истифадә етдикдә мәнбәjә истинад лазымдыр