Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, сон ҝүнләр Гәрбдә вә үмумијјәтлә бүтүн дүнјада өз мәнафеләрини хәтәрдә ҝөрән сионист иргчи гүввәләри Ислам вә онун мүгәддәс сајдығы һәр бир шејә гаршы ачыг һүҹума кечибләр.
Белә ки, Франсада һансыса һәфтәлик бир журнал Бөјүк Ислам Пејғәмбәринә (сәлләллаһу әлејһи вә алиһ) гаршы тәһгирамиз рәфтарлар етдикдән сонра билафасилә Франсанын президенти, назирләри вә с. рәсмиләри башда олмагла Гәрб өлкәләринин башчылары хүсуси илә ишғалчы исраил речиминин баш назири (гејд едәк ки, Түркијәнин баш назири Әһмәд Давуд оғлу да онларын сыраларында иди) тәрәфиндән дәстәкләнәрәк бунунла әлагәдар тәшкил етдикләри ҝенишмигјаслы митингә гошулуб, Ислам Пејғәмбәрини (сәлләллаһу әлејһи вә алиһ) тәһгир едән шәхсијјәтсизләрин мүдафиәсинә галхдылар. Бу утанҹвериҹи план сионистләрин 2015-ҹи ил үчүн Ислама гаршы һәјата кечирәҹәк мәкрли ҹинајәтләри үчүн бир ачылыш мәрасими олду...
Алдығымыз мәлуматлара ҝөрә, анти-Ислам сијасәтләрин давамы олараг, өтән ҝүн сәһәр радәләриндә Австријанын пајтахты Вјана шәһәринин 12-ҹи мәнтәгәсиндә Әһли Сүннә гардашларымыза мәхсус олан бир Мәсҹид “намәлум” гүввәләр тәрәфиндән һүҹума мәруз галыб. Мәсҹидин гапы вә диварлары үзәриндә фашистләрин нишанәси олан свастика- гамалы хач, хач вә гылынҹ ишарәләри чәкилиб.
Мәсҹидин Имам Ҹамааты Сәлим Калкаван сүбһ намазына ҝәләркән Мәсҹидин гапы вә диварлары үзәриндә бу әламәтләрин чәкилдијини ҝөрдүјүнү дејәрәк билдириб: “Вјана иргчиләринин Мәсҹидимизә гаршы белә рәфтарлары илк аддым дејилдир. Бундан өнҹә дә онлар Мәсҹидин пенҹәрәләрини сындырараг, донузун кәсилмиш башыны Мәсҹидин гапысы гаршысында гојмушдурлар. Биз, бу аддымлары иргчиләрин иши олдуғу һесаб едирик. Вә бу ҹинајәтин Вјана халгына һеч бир адиаты јохдур.”
О даһа сонра дејиб: “Биз даим гызышдырыҹы аддымлар атмагдан пәһриз едирик. Һәтта Мәсҹидин кәнарларында белә ҸҸТВ-дән истифадә етмирик. Биз бүтүн инсанларла сүлһ вә әмин-аманлыг ичиндә јашамаг истәјирик.”
Мәсҹидин Имам Ҹамааты фактла бағлы полис вә тәһлүкәсизлик органларына хәбәр верилдијини билдириб.
Диггәт: Хәбәрдән истифадә етдикдә мәнбәјә истинад лазымдыр
