Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Азәрбајҹан Республикасында вәтәндашлара јени нәсил шәхсијјәт вәсигәләри тәгдим олунаҹаг.
Бу вәсигәләрә вәтәндашын јашајыш јери үзрә гејдијјаты, аилә вәзијјәти һаггында мәлуматлар, һабелә шәхсијјәт вәсигәси саһибинин биометрик фотосу вә диҝәр фәрди ҝөстәриҹиләри өзүндә бирләшдирән електрон дашыјыҹы (чип) јерләшдириләҹәк.
Јени нәсил шәхсијјәт вәсигәләри тәһлүкәсизлик нөгтеји-нәзәрдән көһнә вәсигәләрдән даһа үстүндүр.
Рабитә вә Јүксәк Технолоҝијалар Назирлијинин Мәлумат Һесаблама Мәркәзи јени нәсил шәхсијјәт вәсигәләринин үстүнлүкләрини ачыглајыб.
Бу вәсигәләр диҝәр өлкәләрин мүвафиг органлары илә биометрик информасија мүбадиләсинин тәнзимләнмәсиндә мүстәсна әһәмијјәт кәсб едәҹәк.
Електрон дашыјыҹысы (чипи) олан јени нәсил шәхсијјәт вәсигәләринин бир өзәллији дә онлара шәхсијјәт вәсигәси саһибинин електрон имзасы вә идентификасијасы илә бағлы сертификатларын дахил едиләҹәјидир. Нәтиҹәдә јени вәсигәләр шәхсијјәти идентификасија етмәклә јанашы, һәмчинин, електрон сәнәдләрин имзаланмасында да истифадә едиләҹәк.
Гејд едәк ки, Назирләр Кабинетинә шәхсијјәт вәсигәләринин фәрдиләшдирилмәси заманы вәсигәнин електрон дашыјыҹысына вәсигә саһибинин ҝүҹләндирилмиш електрон имзасы илә әлагәдар сертификатларын, електрон имза јаратма вә електрон имзаны јохлама мәлуматларынын дахил едилмәси илә бағлы ганунвериҹилик актларында дәјишикликләр едилмәси барәдә тәклифләрини ики ај мүддәтиндә һазырлајыб Азәрбајҹан Республикасынын Президентинә тәгдим етмәк, бу сәрәнҹамда нәзәрдә тутулан ишләрин 2015-ҹи ил декабрын 1-дәк баша чатдырылмасы үчүн һәмин ишләрин аидијјәти дөвләт органларынын әсасландырылмыш мүраҹиәтләри әсасында малијјәләшдирилмәсини тәмин етмәк вә бу сәрәнҹамдан ирәли ҝәлән диҝәр мәсәләләри һәлл етмәк тапшырылыб. 
Диггәт: Хәбәрдән истифадә етдикдә мәнбәјә истинад лазымдыр
