Иран Ислам Республикасы тәjjарәдашыjан ҝәми истеһсал едир

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Иран Ислам Республикасы тәjjарәдашыjан ҝәми истеһсал едир
Иран Ислам Республикасы Ордусу Дәниз Гүввәләри Арашдырма тәшкилатынын команданы адмирал Әли Гуламзадә Иран ордусунун дәниз гүввәләринин һазырда суүстү вә суалты ҝәмиләрини һазырлама технолоҝиjасына саһиб олдуғуну билдириб.
ФактХәбәр-ин мәлуматына ҝөрә, "Әждәр" ракетләри барәдә дә данышан адмирал, онун һазырланмасынын вә дизаjнынын чох чәтин, мүасир бир лаjиһә олдуғуну хатырладыб: ""Әждәр" суүстү вә суалты дүшмән ҝәмиләрини мәһветмә габилиjjәтинә маликдир."
"Әждәр"ин jахын вахтларда һазыр вәзиjjәтә ҝәтириләҹәjини билдирән адмирал, Иран истеһсалы олан бу техниканын һазырда тәкҹә НАТО өлкәләринин истеһсалы илә мүгаjисә едилә биләҹәjини сөjләjиб. О әлавә едиб ки, jахын вахтларда тәjjарәдашыjан ҝәминин дә тикинтиси баша чатаҹаг вә истифадәjә вериләҹәк.
Геjд едәк ки, сон вахтлар Иран мүдафиә сәнаjеси дәниз гүввәләринин ҝүҹләндирилмәси истигамәтиндә ишләрини артырыб. Буна мисал олараг кичик һәҹмли суалты гаjыгларын, ҝәмиләр үчүн jени ракет системләринин вә пилотсуз тәjjарәләрин истеһсалыны ҝөстәрмәк мүмкүндүр.
Диггәт: Хәбәрдән истифадә етдикдә мәнбәjә истинад лазымдыр