Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Бәһрејн 14 Феврал Һәрәкаты (редактор: Бу һәракат ,2011-ҹи илдә илк дәфә халг күтләсинин Али Хәлифә режиминин ҹинајәтләринә гаршы етираз аксијаларына старт вердији андан сонра мүтшәккил формаја салыныб) өлкәнин мүхтәлиф бөлҝәләриндә халг күтләсинин вәһһабијөнлү Али Хәлифә падшаһлыг режиминин ҹинајәтләринә гаршы нөвбәти етираз митингләринә старт вердикләрини ачыглајыб.
Белә ки, Бәһрејнин Кәрәзкан шәһәри Ҹүмә Ҝүнү гәзәбли халг күтләсинин бу өлкә режими тәрәфиндән гадынларын һәбс едилмәсинә гаршы тәшкил етдикләри ингилаби етираз аксијаларынын шаһиди олуб.
Тәзаһүратчылар һәмчинин өлкәдә азад референдум кечириләрәк өз мүгәддәратыны тәјин етмәк һүгугларынын бәрпа едилмәсинә дә исрар едибләр.
Пајтахт Мәнамәнин әл-Дираз мәнтәгәси дә өз нөвбәсиндә гәзәбли халг күтләсинин Имам Садиг (әлејһи сәлам) адына Мәсҹид јахынлығында топлашараг гадынларын вәһһаби режими тәрәфиндән әбәс јерә һәбс едилмәси кими ҹинајәтләринә гаршы етираз аксијалары кечиртдијинин шаһиди олуб.
Бәһрејнин Барбар шәһәриндә дә гәзәбли халг күтләси гол-гола ҝирәрәк ҹанлы сәдд јаратмагла өз мүгәддәратыны тәјинетмә һүгугуну дәстәкләјибләр.
Гејд едәк ки, тәшкил олунмуш аксијаларда етиразчылар әлләриндә “Али Хәливә режими тәрәфиндән сивил гадынларын һәбс едилмәсинә Ар Олсун!” јазылы плакартлар тутараг, режимин ҹылызлығыны бир даһа дүнја иҹтимаијјәтинә нүмајиш етдирибләр.
Диггәт: Хәбәрдән истифадә етдикдә мәнбәјә истинад лазымдыр
