Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Нојабрын 12-дә Азәрбајҹана рәсми сәфәрә ҝәлән Иран Ислам Республикасынын президенти Һөҹҹәтүл Ислам вәл Мүслимин Доктор Һәсән Руһанинин рәсми гаршыланма мәрасими олуб.
Һөҹҹәтүл Ислам вәл Мүслимин Доктор Һәсән Руһанини Азәрбајҹан президенти Илһам Әлијев гаршылајыб.
Фәхри гаровул дәстәсинин рәиси Иран Ислам Республикасынын президентинә рапорт вердикдән сонра, ИИР вә Азәрбајҹанын дөвләт һимнләри сәсләниб.
Даһа сонра һәр ики өлкә президентләри фәхри гаровул дәстәсинин гаршысындан кечибләр. Ҹәнаб Һ. Руһани Азәрбајҹан әсҝәрләрини саламлајыб.
Гејд едәк ки, бу ҝүн һәмчинин Азәрбајҹан вә Иран Ислам Республикасы президентләринин нүмајәндә һејәтләринин иштиракы илә ҝениш тәркибдә ҝөрүшү олуб.
Диггәт: Хәбәрдән истифадә етдикдә мәнбәјә истинад лазымдыр
