Кашифул-Ғита АБШ, Британија, сионизмә...

Әһли Бејт (әлејһимус сәлам) -АБНА- Хәбәр Аҝентлији- Ислам алимләри һәзрәт Пејғәмбәр (с) вә мәсум имамларын варисләри олараг тарих боју күфр вә зүлмә гаршы мүбаризә апармышлар. Хүсуси илә сон ики әсрдә дүнја империализми Ислам вә мүсәлманлара гаршы өз шаҝирдләри вә әлалтыларына бөјүк мејдан ачмышдыр. Өз нөвбәсиндә һәгиги Ислам алимләри бу һүҹумлар гаршысында мәтанәтлә дајанмышлар. Молла Әли Кәнинин Латари әлејһинә мүбаризәсиндән башламыш Мирза Ширазинин тәнбәки һәрәкатына гәдәр бөјүк мүҹаһидәләрә шаһид олуруг. Сејид Ҹәмаләддин Әсәдабадинин јорулмадан апардығы ардыҹыл мүбаризә, бөјүк Ираг алимләринин Бејнән-Нәһрејндә Британијаја гаршы мүбаризәләри, шәһид Ајәтуллаһ Сејид Һәсән Мүдәррисин 1919-ҹу ил мүгавиләсинә гаршы һәрәкаты, мәшрутә дөврүндә Нәҹәф вә Иран алимләринин мүбаризәләри дин алимләринин тарихә јазылмыш гәһрәманлыг салнамәләридир.

Мүасир тәглид мәрҹәләри арасында Ајәтуллаһ-үзма Шејх Мәһәммәдһүсејн Кашифул-Ғитанын фәдакарлыглары хүсуси јер тутур. Алим өз әсәрләри илә Ислам вә шиәлијә мисилсиз хидмәтләр ҝөстәрмишдир. Онун дәјәрли “Шиәлијин бүнөврәси вә принсипләри” китабында азғын ҹәрәјанлар, вәһабилик һаггында данышылыр, шиәлијә јөнәли иттиһамлара јетәрли ҹаваб верилир. Алим јазыр ки, Мисир мәтбуатында шиәлијә гаршы јер алан иттиһамлар сонрадан мәлум олду ки, Британијанын вәһабиләрин голлуғундан чыхмыш әли илә ҝөрүлән ишдир. Алим јазыр ки, бу һадисәдән сонра дөзә билмәдим вә сүкуту поздум. Китаб алимин һәјаты дөврүндә 15 дәфә чап олунуб. Мүхтәлиф дилләрә чап олунмуш китабда фитнәкарлыг пәрдәләри јыртылыр, иттиһамлар ҹавабландырылыр. Кашифул-Ғита дејир ки, Фатимиләр дөврүнүн јадиҝары олан Әл-Әзһәр университетинин бу фитнәләрә ујмасы мәни тәәҹҹүбләндирди.
Мәрһум Ајәтуллаһ Кашифул-Ғита Британијанын фитнәләри һаггында јазыр: “Вәһабилик сахта мәзһәбдир, онун бүнөврәсини Британијанын тәрбијә етдији Мәһәммәд ибн Әбдүл-вәһаб гојмушдур.” Бөјүк мүҹтеһид Лондонун фитнәләрини ифша едәрәк билдирир ки, дүшмәнләр шиә һәгигәтләрини тәһриф едир, Исламын сијаси принсипләрини ихтисара салараг китаблар јајырлар.

Ајәтуллаһ Кашифул-Ғитанын Американын Јахын Шәргин Достлары Ҹәмијјәтинин рәисинә үнванладығы мәктубда Вашингтонун шејтани фитнәләри ифша олунур. Ҹәмијјәт рәисинин мүавини Гарланд Еванс Һопкинс 1954-ҹү илдә алимин Лондонда тәшкил олунан конфранса гатылмасыны истәјир. Конфрансын мәгсәди коммунизмә гаршы Ислам вә христианлығы јахынлашдырмаг иди. Ики дин арасында бу саһәдә анлашма әлдә олунмасы үчүн чалышырдылар.
Ајәтуллаһ Кашифул-Ғитанын ҹәмијјәт рәисинә јаздығы бөјүк мәктуб ады чәкилмәјән тәрҹүмәчи тәрәфиндән 68 сәһифәдә чап олунмушдур. Әсәри икинҹи дәфә доктор Әли Шәриәти тәрҹүмә едиб. Башга бир тәрҹүмә Ҹәлаләддин Фарсијә аиддир. Бизим нәзәрдән кечирдијимиз нүсхә 1333-ҹү илдә (60 ил өнҹә) намәлум тәрҹүмәчи тәрәфиндән фарс дилинә чеврилән тәҹүмәдир. Бу мәтндән зәрури нөгтәләри охуҹуларын диггәтинә чатдырмаг истәдик. Нисбәтән бөјүк һәҹмли мәтндән чыхарылан нөгтәләр алимин дәрин дүшүнҹәсини ортаја гојур.

Мәктубда охујуруг:

Јахын Шәргин Достлары Ҹәмијјәтинин рәис мүавини ҹәнаб Гарланд Еванс Һопкинс! Сизин мәнә үнванладығыныз мәктубу алдым. Бу мәктубда мәним Ислам вә мәсиһи алимләринин гатылаҹағы конфрансда иштиракым арзуланыр. Јазырсыныз ки, конфрансын мөвзусу руһани вә әхлаги дәјәрләрдир. Сонра коммунизмин тәһлүкәсиндән данышырсыныз. Сиз конфранса дәвәт алан 50 алимин бу мөвзуда чыхыш етмәсини истәјирсиниз. Мәним нәзәримҹә, конфранс ики мөвзу үзәриндә дајанмалыдыр:

1. Ислам вә мәсиһиликдә руһани дәјәрләр вә әхлаг нүмунәләри;

2. Коммунизм тәһлүкәси, Ислам вә мәсиһилијин чыхыш јолу ҝөстәрмәси

Коммунизм тәһлүкәсини неҹә арадан галдырмаг олар? Өнҹә дејим ки, әмәлин тәсири сөзүн тәсириндән бөјүкдүр. Әҝәр ҹәмијјәт вә дөвләт башчылары һаггында данышдыглары руһани вә әхлаги дәјәрләрә әмәл етмирсә, данышмаг әбәсдир. Коммунизм тәһлүкәсини арадан галдырмаг үчүн халглар азад олмалы, иҹтимаи әдаләт тәмин едилмәли, зүлм вә фәсадын көкү кәсилмәли, инсан һаглары горунмалыдыр...

Еј Америка халгы, еј Америка дөвләти, еј Британија дөвләти! Сиздә бу хүсусијјәт вармы? Сиз өзүнүздә руһани вә әхлаги дәјәрләр ҝөрүрсүнүзмү? Руһани дәјәрләрә гијмәт верирсинизми?

Сизин әрәб вә Фәләстин мүсәлманларына гаршы амансыз ҹинајәтләриниз адынызда бир гара ләкәдир. Сиз дејилсиз ки, өз чиркин әлинизлә, јәни бејнәлхалг сионизмлә әрәбләрә зәрбә вурурсунуз? Гадын вә ушаглары, динҹ инсанлары гәтлә јетирән сиз дејилсиниз?! Јәһудиләри пул вә силаһла тәҹһиз едән кимдир? Сиз олмасајдыныз, јәһудиләрдә бу ҹүрәт һарадајды! 900 мин әрәби өз ев-ешијиндән, вәтәниндән дидәрҝин салан сиз дејилсиниз?! Онлар сусуз сәһраларда, ачыг сәма алтда галыблар. Онларын өз вәтәнләриндә шәрәфи варды. Онларын һалына дашлар ағлајыр...

Гәрб бу реҝионда өз фәсад јувасы олараг Исраили јаратды. Бу ҝүн Америка, Британија, бүтүн Авропа ону мүдафиә едир. Америка-Британија-Сионизм үчлүјү Јахын Шәргдә Ислам вә мүсәлманларла мүһарибә апарыр.

Сиз һәмишә јәһудиләри мүсәлманларын үзәринә галдырдыныз. Ејни вахтда әрәбләри өз сыраларыныза чәкирсиниз ки, үзәрләринә өһдәчилик гојасыныз...

Теһранда, Суријада, Мисирдә, Ливанда ган төкән сиз дејилсиниз?! (Алим 1953-ҹү илдә Лондон вә Вашингтонун Ислам өлкәләринә мүдахиләләрини нәзәрдә тутур) Бу өлкәләрдә мин бир мүсибәт јарадан, ҝүнаһсыз инсанларын ганыны ахыдан кимдир?! Тунис, Мәракеш, Әл-Ҹәзаир, Кореја, Һиндистан, Чин, Кенија сизин алышдырдығыныз одда јанмырмы?!

Сизин нәзәриниздә дин маддәдән фәргли бир шејдир? Сиз маддәдән башга бир шеј гәбул едирсиниз? Мадди дүнја уғрунда дүнјаны фәсада чәкән сиз дејилсиниз?! Күтләви гырғын силаһлары, нүвә силаһы, кимјәви силаһлар истеһсал едән кимдир?!

***

Ајәтуллаһ-үзма Кашифул-Ғита кими мүҹаһид алимләр Ислам тарихинин ифтихарыдыр. Бу ҝүн ән бөјүк мәктәб дүнја империализми вә сионизмлә мүбаризә мәктәбидир.


Диггәт: Хәбәрдән истифадә етдикдә мәнбәјә истинад лазымдыр