Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Ирагда анти-террор әмәлијјатлары уғурла давам етдирилир. Белә ки, гондарма "Ираг вә Шам Ислам Дөвләти" (ИШИД) адлы террор тәшкилатынын силаһлы үнсүрләри Ираг Милли Ордусуна тәслим олублар.
Бабил әјаләтинин Ҹурф әс-Сахр бөлҝәсиндә дөрд ај, орду гүввәләринин мүһасирәсиндә олан гондарма “Ираг вә Шам Ислам Дөвләти” адлы террорчу груплашманын тәхминән 100 силаһлысы көнүллү шәкилдә Ираг Милли Ордусуна тәслим олуб.
Тәслим оланлар сырасында гондарма “ИШИД” адлы террор тәшкилатынын ики лидеринин дә олдуғу билдирилир.
Гејд едәк ки, Ираг Милли Ордусу, көнүллүләрдән ибарәт мүхтәлиф һәрби бригадалар вә күрдләрин “Пешмәрҝә” гүввәләри өлкәнин әл-Әнбар, Дијала, Нејнәва, Сәлаһәддин, Кәркүк әјаләтләриндә гондарма “Ираг вә Шам Ислам Дөвләти” адлы террор тәшкилатына гаршы һәрби әмәлијјатлар апарырлар.
Диггәт: Хәбәрдән истифадә етдикдә мәнбәјә истинад лазымдыр
