Ингилаб Рәһбәринин Бөjүк Һәҹҹ Мәрасими иштиракчыларына мүраҹиәти

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,Ислам Ингилабынын Бөjүк Рәһбәри Һәзрәт Аjәтуллаһүлүзма Хаменеи Бөjүк Һәҹҹ Конгресинә үнванланмыш мүраҹиәтиндә Ислам Дүнjасы мәсәләләринә диггәтин ҝөстәрилмәсини вә Ислам Үммәти илә әлагәдар мәсәләләр барәсиндә узунмүддәтли вә һәртәрәфли бахышын олмасыны һәҹҹ зәвварлары вә тәшкилатчыларынын ән мүһүм вәзифәси адландырыблар.
Ислам Ингилабынын Бөjүк Рәһбәринин офисинин рәсми интернет сәһифәсиндә jер алан мәлумата ҝөрә, Һәзрәт Аjәтуллаһүлүзма Хаменеи Бөjүк Һәҹҹ Конгреси мүнасибәтилә етдикләри мүраҹиәтдә Ислам Дүнjасы мәсәләләринә диггәтин ҝөстәрилмәсини вә Ислам Үммәти илә әлагәли мәсәләләрдә узунмүддәтли вә һәртәрәфли бахышы аллаһ еви зәвварлары вә һәҹҹ зиjарәти тәшкилатчыларынын ән мүһүм вәзифәси адландырыб вә буjурублар: Мүсәлманларын бирлиjи, Фәләстин мәсәләси вә һәгиги Мәһәммәд(с.ә.с) Исламы илә Америкасаjағы Ислам арасындакы фәргә там аjыглыг тәләб едән бахыш Ислам Дүнjасынын үч әсас приоритетидир ки, Ислам Үммәти бәсирәт вә узагҝөрәнликлә бу мәсәләләр гаршысындакы вәзифәләри вә үзәринә дүшән мәсулиjjәтләри jеринә jетирмәлидир.
Бу ҝүн сәһәр Вәли Фәгиһин нүмаjәндәси вә иранлы зәвварлар карванына рәһбәрлик едән һөҹҹәтүлислам вәлмүслимин Газы Әсҝәр тәрәфиндән Әрәфат сәһрасында гираәт олунан Һәзрәт Аjәтуллаһүлүзма Хаменеинин Бөjүк Һәҹҹ Конгресинә үнванланмыш мүраҹиәтинин там мәтни беләдир:
Бисмиллаһиррәһманиррәһим!
Вәлһәмдүлиллаһи Рәббил-Аләмин вә сәлләллаһу әла Мәһәммәд вә Алиһи-Таһирин
Гуранын дәвәтинә ләббеjк деjән вә Аллаһ Евинин гонағы олан сиз сәадәт саһибләринә ән сәмими саламлар олсун. Илк олараг бу бөjүк немәтин гәдрини билин вә бу мисилсиз фәризәнин фәрди, иҹтимаи, руһи вә беjнәлхалг jөнләри барәдә тәфәккүр един. Онун мәгсәдләринә jахынлашмаг үчүн сәj ҝөстәрин вә бу мәгсәдә наил олмаг үчүн Рәһимли вә Гадир Аллаһдан көмәк истәjин. Ҹәнабыныз да сизинлә һәмрәj вә һәмдил олуб Гәфур вә Мәннан Аллаһдан истәjирәм ки, өз немәтини сизә тамамласын вә һәҹҹ сәфәри фүрсәтини сизә әта етдиjи үчүн, һәҹҹи камил формада jеринә  jетирмәк фүрсәтини дә сизә әта етмиш олсун. О заман, кәрамәтли шәкилдә гәбул олунмағынызла, өз диjарларыныза әли долу вә сағ-саламат ҝери дөнәсиниз.
Бу мәналы вә мисилсиз фүрсәти гәнимәт һесаб едәрәк, һәҹҹин ән үстүн вә мүһүм төһфәси олан мәнәви вә руһи бахымдан паклыға наил олмагла jанашы, Ислам Дүнjасы мәсәләләринә вә Ислам Үммәти илә бағлы ән мүһүм вә приоритет мәсәләләрә узунмүддәтли вә һәртәрәфли бахыш, һәҹҹ зәвварлары вә һәҹҹ тәшкилатчыларынын үзәринә дүшән ән мүһүм вәзифәдир.
Бу ҝүн бу мүһүм вә приоритет мәсәләләрдән бири мүсәлманларын бирлиjи вә Ислам Үммәти арасында фасилә jарадан дүjүнләрин ачылмасындан ибарәтдир. Һәҹҹ, бирлик, вәһдәт, гардашлыг вә әмәкдашлығын мәзһәридир. Һәҹҹдә, һәр кәс ихтилафларын арадан галдырылмасы вә ортаглыглара диггәтин ҝөстәрилмәсинә әһәмиjjәт вермәлидир. Истисмарчылыг сиjасәтләринин чиркин әлләри һәлә узаг кечмишдән өз мәнфур вә нәһс мәгсәдләринә наил олмаг үчүн тәфригәчилиjи өз иш ҝүндәминә дахил едиб. Лакин, бу ҝүн Ислами Оjанышын бәрәкәти саjәсиндә мүсәлман халглар һеҝемончулуг вә сионизм ҹәбһәсинин дүшмәнчилиjини дүзҝүн формада танымаға наил олуб. Вә бу ҹәбһә гаршысында мөвге тутуб. Белә бир шәраитдә дүшмәнләр мүсәлманлар арасында тәфригә сиjасәтини даһа да шиддәтләндирибләр. Һиjләҝәр дүшмән мүсәлманлар арасында дахили мүһарибәләр одуну аловландырмагла мүгавимәт вә мүҹаһидәт руһиjjәсини jанлыш истигамәтә jөнәлтмәк, сионист режим вә һәгиги дүшмән олан һеҝемончулуг гурулушу амилләри үчүн тәһлүкәсиз зона jаратмаға чалышыр. Тәкфирчи террорчу груплашмаларын формалашдырылмасы вә Асиjанын гәрбиндә онларын фәалиjjәтинә рәваҹ верилмәси елә бу гәддар сиjасәтдән мәншә алыр. Бу, бизим һамымыз үчүн, дүнjа мүсәлманларынын бирлиjинин зәрури олмасы, бүтүн милли вә беjнәлхалг мәсәләләрин өнүндә jер алмасы барәдә ҹидди бир хәбәрдарлыгдыр.
Диҝәр мүһүм мәсәлә Фәләстин мәсәләсидир. Ишғалчы сионист режимин тәсис едилмәсиндән 65 илин кечмәси вә бу мүһүм вә һәссас мәсәләнин мүхтәлиф енишли-jохушлу jоллары архада гоjмасы хүсусилә дә сон илләрин ганлы һадисәләри ики һәгигәти һамы үчүн ашкар етмиш олду: Биринҹиси, сионист режим вә онун ҹинаjәткар һимаjәдарлары дүшмәнчилик, гәддарлыг вә бүтүн инсани вә әхлаги нормаларын позулмасында һеч бир сәрһәд танымырлар. Ҹинаjәт, соjгырымы, дағыдыҹылыг, ҝүнаһсыз инсанлар хүсусилә дә ушаглар вә гадынларын амансыз формада гәтлә  jетирилмәси вә әлләриндән ҝәлән зүлм вә зоракылыгларда сәрһәд танымамалары илә jанашы өз чиркин әмәлләринә ҝөрә фәхр дә едирләр. Сон 50 ҝүнлүк Гәззә мүһарибәсинин аҹынаҹаглы мәнзәрәси бу тарихи ҹинаjәткарлыгларын сон нүмунәси иди ки, әлбәттә, сон jарым әсрдә дәфәләрлә тәкрарланыб.
Икинҹи һәгигәт исә одур ки, бу вәһшилик вә фаҹиә төрәтмәләр ишғалчы сионист режим вә онун һимаjәдарларынын чиркин мәгсәдләрини ҝерчәкләшдирә билмәjиб. Хәбис сиjасәтчиләрин өз игтидар вә һакимиjjәтләрини мөһкәмләндирмәк үчүн сионист режим барәсиндә дүшүнҹәләриндә jер вердикләри ахмаг арзуларын  әксинә олараг, бу режим jолун сонуна вә өз мәһвинә доғру һәр ҝүн даһа артыг jахынлашмыш олур. Мүһасирәдә олан мүдафиәсиз Гәззә әһалисинин бүтүн имканларыны сәфәрбәр етмиш сионист режим гаршысындакы 50 ҝүнлүк мүгавимәти сонда бу режимин мүгавимәт гаршысында тәслим олмасына, ҝери чәкилмәсинә вә мүгавимәтин шәртләрини гәбул етмәклә, өз аҹизлиjи вә чарәсизлиjини ашкар формада нүмаjиш етдирмәси илә нәтиҹәләнди. Бу о демәкдир ки, Фәләстин халгы һәмишә олдуғундан даһа үмидвар олмалы, Ҹиһад вә Һәмас мүбаризләри өз сәjләрини даһа да артырмалы, Гәрб саһили һәмишәки ифтихарлы jолу даһа гәтиjjәтли вә әзмкар формада изләмәли, мүсәлман халглар өз дөвләтләриндән Фәләстинә һәгиги дәстәjин верилмәсини тәләб етмәли вә мүсәлман дөвләтләр бу jолда сәдагәтләрини нүмаjиш етдирмәлидирләр.
Приоритет тәшкил едән 3-ҹү мүһүм мәсәлә Ислам Дүнjасынын гаjғыкеш фәалларынын аjыглығы вә аҝаһлығыдыр ки, һәгиги Мәһәммәд Исламы илә Америкасаjағы Ислам арасындакы фәргләрә диггәт ҝөстәрмәли, бу икиси арасында сәһвә дүчар олмагдан чәкиндирмәлидирләр. Илк дәфә бизим мәрһум Бөjүк Имамымыз бу икиси арасындакы фәргә диггәт чәкмиш вә бу мәсәләни Ислам Дүнjасынын сиjаси терминалоҝиjасына дахил етмиш олду.
Һәгиги Ислам мәнәвиjjат, башуҹалығы, тәгва вә хәлги бир Исламдыр. “اَشِدّاءُ عَلَى الکُفّارِ رُحَماءُ بَینَهُم” Исламыдыр.
Американ Исламы исә әҹнәбиләрә нөкәрчилиjиә Ислам дону ҝеjиндирмәк вә Ислам Үммәти илә дүшмәнчилик етмәкдир. Елә бир Ислам ки, мүсәлманлар арасында тәфригә одуну аловландырыр. Илаһи вәдә етимад етмәjиб, Ислам дүшмәнләринә етимад едән, Сионизм вә империализм илә мүбаризә  jеринә, мүсәлман гардашына гаршы саваш ачан, өз милләти вә jа диҝәр милләтләрә гаршы һеҝемончу АБШ илә мүттәфиг олан Ислам, Ислам деjил; Тәһлүкәли вә өлдүрүҹү бир нифагдыр ки, һәр бир һәгиги мүсәлман онунла мүбаризә апармалыдыр.
Бәсирәт вә узагҝөрәнлик илә jанашы олан бахыш һәгигәт ардынҹа олан һәр бир шәхс үчүн Ислам Дүнjасындакы мәсәләләрин бу һәгигәтини ашкар етмиш вә ҝүнүмүзүн ән мүһүм вә приоритет вәзифәсини, һеч бир шәкк вә шүбһә олмадан бәjан етмиш олур. Һәҹҹ, онун әмәлләри вә мәрасимләри бу бәсирәти әлдә етмәк үчүн дәjәрли фүрсәтдир вә үмидварыг һәҹҹ зиjарәти нәсиби олан сизләр бу илаһи мәһәббәтдән камил формада бәһрәләнмиш олаҹагсыныз. Сизин һамынызы Бөjүк Аллаһа тапшырыр вә Аллаһдан бүтүн сәjләринизин гәбул олмасыны арзу едирәм.
Вәссәламу Әлеjкум Вәрәһмәтуллаһ
Сеjид Әли Хаменеи
5 Зилһәҹҹә 1435-ҹи һиҹри гәмәри или
Диггәт: Хәбәрдән истифадә етдикдә мәнбәjә истинад лазымдыр