Әһли Бејт (әлејһимус сәлам) -АБНА- Хәбәр Аҝентлијинә ексклузив мүсаһибә верән Америка Бирләшмиш Штатларынын сабиг Дәниз Пијадачысы Кеннет О`Кеефе бу өлкәнин Јахын Шәргдә апардығы сијасәтләри вә гондарма “ИШИД” адлы террор груплашмасына гаршы тәшкил етдији коалисијаны кәскин сүрәтдә мәһкум едәрәк, билдириб: “Әҝәр террор һаггда дүзҝүн бир анлајышымыз олса, онда ҝөрәрик ки, 20 вә 21 әсрин ән бөјүк террорчу дөвләти АБШ-ын өзүдүр. Бу һаггда да һеч шүбһә белә етмәјин”.
Кеннет О'Кеефе Америка рәсмиләринин тез-тез инсан һагглары вә терроризимдәназад олан дүнја һагда данышмаларына ишарә едәрәк билдириб: “Америка дөвләтинин әли илә милјонларла инсанларын Гувантанамо зинданында ишҝәнҹә алыб, пилотсуз тәјјарәләрин һавадан ендирдији гејри-гануни зәрбәләри нәтиҹәсиндә дүнјаларыны дәјишмәләринә нәзәр салсаг, Гатил Америка дөвләтинин Инсан вә бејәлхалг һагглардан данышмаг һүгугуна малик олмадығыны ҝөрәрик”.
АБНА.ир сајтынын мүхбири илә данышан Кеннет О'Кеефе АБШ-ы ҹинајәткар дөвләт адландырараг билдириб: “Әминликлә дејирәм ки, Америка Бирләшмиш Штатлары Инсан Һаггларыны ән кобудҹасына позан дөвләтдир”.
Мүхбиримизин “АБШ һөкүмәтинин төрәтдики бу ҹинајәтләрин бир сону олаҹагмы” суалыны ҹавабландыран Америка Бирләшмиш Штатларынын сабиг Дәниз Пијадачысы билдириб: “Америка һагда данышаркән мүтләг буну билмәлијик ки, сөһбәт легал дөвләт һаггда ҝетмир. Чүн ки, һәгигәтдә Америка һөкүмәти пәрдәархасы гүдрәтләрлә идарә олунур”.
Кеннет О'Кеефе даһа сонра дејиб: “Һәгиги гүдрәт әслиндә Дүнја Банкынын, Өзәл Банкларын, Инҝилтәрә Банкынын, Авропа Мәркәзи Банкынын, Бејнәлхалг ҺесаблашмаларБанкынын, Бејнәлхалг Валјута Фонду нун вә с. ҝәлир мәнбәләринин нәзарәтини әлдә сахлајанлардыр”.
О, бу һагда вурғулајараг билдириб: “Онлар, түкәнмәз пул мәнбәләрини әлләриндә сахлајырлар вә пул илә һәр һансы бир шеји, јахуд һәр һансы бир шәхси алмаг мүмкүн оларса алырлар. Демәли АБШ әслиндә бу ҝөзәҝөрүнмәз гүдрәтләрин иҹрачы биләнҝидир”.
Америка Бирләшмиш Штатларынын сабиг Дәниз Пијадачысы сајтымызын мүхбиринә вердији ачыгламасынын сонунда билдириб: “Һәгиги гүдрәт саһибләрин әсас һәдәфләри исә, бүтүн инсанлара вә бүтүн објектләрин һаммысына там нәзарәт етмәкдир. Зүлмә табе олмајан ИИР, Русија, Веназуелла вә. с кими өлкәләри исә өз гүдрәтләри алтына салмагдыр”.
Диггәт: Хәбәрдән истифадә етдикдә мәнбәјә истинад лазымдыр
