Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,Иран президенти силаһлы гүввәләрин бөjүк парадында деjиб ки, реҝионда ән ҝүҹлү силаһлы гүввәләрә маликик. О, әлавә едиб: Силаһлы гүввәләр дүшмәнләрин бу өлкә үчүн ҝөрдүкләри jухунун чин олмасына jол вермәjәҹәкләр.
Иран Ислам Республикасынын президенти Һәсән Руһани Мүгәддәс Мүдафиә Һәфтәсинин башланмасы мүнасибәтилә бу ҝүн сәһәр Имам Хомеjни (р.ә)-ин зиjарәтҝаһы әтрафында кечирилән парад мәрасиминдә бу ҝүнләрин ҝәлиб чатмасыны әзиз тутараг, бөjүк Иран халгынын әҹнәбиләрин фитнәләри вә тәҹавүзләри гаршысындакы мүгавимәтинин илдөнүмү ҝүнүнүн ҝәлиб чатмасыны тәбрик едәрәк, деjиб: Мүгәддәс Мүдафиә Һәфтәси бизим үчүн дәрс, дүшмәнләр үчүн исә ибрәт дәрси һәфтәсидир. Бизим үчүн она ҝөрә дәрсдир ки, ҝөрдүк, дүшмәнин мүхтәлиф силаһлары вә Шәрг илә Гәрбин бирләшмәси гаршысында халгымыз мүгавимәтлә онларын бу халгын зәлил вә тәслим олмасы үзрә jухуларынын чин олмасына jол вермәди.
Иран президенти билдириб ки, дүшмәнин тәзjигиндән горхмуруг. О, сөjләjиб: Иран халгы сүлһсевәр халгдыр вә һеч бир өлкәjә мүһарибәни гәбул етдирмәк ниjjәтиндә олмамышыг, деjилик вә олмаjаҹағыг.
Иран президенти әлавә едиб: Бу ҝүн тәәссүфлә, реҝионда чахнашма вә әмин-амансызлыг мөвҹуддур вә Иран Јахын Шәрг мәнтәгәсинин сабитлиjинә көмәк едә билиб вә террорчулары jериндә отурдаҹагдыр. Зира реҝион халглары террорчулар гаршысында даjанаҹаглар вә Иран Ислам Республикасынын дөвләти вә силаһлы гүввәләри бу саһәдә бир-бириләринә көмәк едәҹәкләр.
О, билдириб: Үмид едирик ки, бүтүн Ислам дүнjасында мүгавимәт, истиглалиjjәт, Ислам вә төвһид баjрағы далғаланаҹаг. О, сөjләjиб: Шүбһә етмирик ки, Иран халгы өз мүгавимәтини давам етдирәҹәк вә гәләбә бизимлә олаҹаг.
Диггәт: Хәбәрдән истифадә етдикдә мәнбәjә истинад лазымдыр
22 sentyabr 2014 - 17:19
Xəbər kodu: 639479
Иран президенти силаһлы гүввәләрин бөjүк парадында деjиб ки, реҝионда ән ҝүҹлү силаһлы гүввәләрә маликик. О, әлавә едиб: Силаһлы гүввәләр дүшмәнләрин бу өлкә үчүн ҝөрдүкләри jухунун чин олмасына jол вермәjәҹәкләр.
