Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Ираг Күрдүстанындан Әрәбистана учан тәјјарәнин Бағдадда јерә ендирилмәси Бағдад мәркәзи дөвләт илә Күрдүстан Иглими арасында галмагала сәбәб олуб.
Белә ки, Мәркәзи Бағдад Һөкүмәти Ирбил шәһәриндән Әрәбистана Һәҹҹ зијарәтчиләрини дашыјан тәјјарәни јерә, Бағдад Һава Лиманына енмәкә мәҹбур едиб. Бунун сәбәбини ачыглајан Ираг Тәһлүкәсизлик Гүввәләри тәјјарәнин дахилиндә бир нечә гондарма “ИШИД” адлы террорчу тәшкилатын үзвүнүн олдуғуну билдирибләр. Гејд олунан јараглылар 1700 Шиә тәләбәсини гәтлә јетирән “Спајкер Фаҹиәси”нин активләри олублар.
Лакин мараглысы будур ки, Ираг Күрдүстан Иглиминин Вәгф Назирлијинин сөзчүсү, Мәркәзи Бағдад Дөвләтинин бу һәрәкәтинә ниҝәран олуб.
Ҹинајәткар сәләфи јараглыларындан һимајәт едән спикер, Ирагда Сүнни –Шиә савашынын аловландырмаг мәгсәди илә, һиддәтлә билдириб: “Мәркәзи Бағдад Һөкүмәти билләрәкдән сүнни һаҹыларынын Һәҹҹ зијарәтинә ҝетмәкликләринә проблем јарадыр”.
Күрдүстан иглиминин бу иддиасы гаршысында исә Бағдад Һава Лиманынын Тәһлүкәсизлик Гүввәләри билдирибләр ки, гејд олунан тәјјарәдә Спајкер Гарнизонунда төрәдилән гәтлиам иштиракчыларындан олан бир нечә гондарма “ИШИД” адлы террорчу тәшкилатынын үнсүрләри олуб. Онлар “ИШИД”ин нәзарәт етдикләри мәнтәгә сакинләри олублар вә Әрәбистана сәфәр етмәк нијјәти илә Ирбилдән Ријаза учмаг истәјибләр.
Диггәт: Хәбәрдән истифадә етдикдә мәнбәјә истинад лазымдыр
