Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Гәззә халгынын ганунсуз сионист режиминә гәләбә чалмасындан сонра јәһудиләрин узун мүддәтли сүлһ мүгавиләсинин гәбул едилмәси илә јанашы, Гәззә секторунун балыгчыллары балыг тутмаг үчүн иҹазә верилмиш зонанын даһа да ҝенишләндириләҹәјинә үмидвардырлар.
Әлдә олунан разылашмаја ҝөрә, Гәззә Золағы саһилләриндә илкин олараг 6 маила (11 км 112 м) кими саһәдә балыг тутмаға иҹазә верилир, сонра исә бу саһәнин 12 маила (22 км 224 м) кими ҝенишләндирилмәси нәзәрдә тутулуб. Лакин бундан өнҹә исә Фәләстинлиләрә јалныз 3 маила (5 км 556 м) кими балыг тутмаға иҹазә верилирди. О да ки, әксәр һалларда ганунсуз исраил режиминин һәрби гајыглры тәрәфиндән бу ишә манеәчилик төрәдилирди.
Гәззә Золағындакы Фәләстинли балыгчылардан бири олан Әһмәд әл-Һисси вердији ачыгламасында хошбәхт олдуғуну билдириб. О, бу һаггда данышараг дејиб: “Гәззә Золағынын мүһасирәдән азад олмасы, сәрһәд кечид мәнтәгәләринин там сүрәтдә ачылмасы, бизә хош тәсүрат бағышлајыр. Бизим өз Дәниз вә Һава Лиманымыз олаҹаг. Бундан ҝөзәл нә јахшы ола биләр ки?..”
Һазырда Гәззә Секторунда 3600 Фәләстинли аилә балыгчылыгла мәшғулдур. Бирләшмиш Милләтләр Тәшкилатынын нәзниндәки “ФАО” - Әрзаг вә Кәнд Тәсәррүфаты Тәшкилаты исә билдирир ки, гејд олунан балыгчыларын јарысынын әлдә етдикләри ҝәлир јалныз балыгчылыгла әлдә едилир.
Диггәт: Хәбәрдән истифадә етдикдә мәнбәјә истинад лазымдыр
